Alaksandr Łukašenka maje namier u najbližejšy čas abmierkavać z Uładzimiram Pucinym budaŭnictva ŭ krainie druhoj atamnaj elektrastancyi. Pra heta zajaviŭ siońnia padčas razmovy z pracoŭnym kalektyvam MAZa
«Siońnia ŭ nas navat nievialiki lišak elektraenierhii. Ale ŭ budučyni hetaha moža nie chapać. Tamu ŭ bližejšy čas my abmiarkujem z prezidentam Rasii pytańnie budaŭnictva druhoj atamnaj stancyi na terytoryi Biełarusi,» — skazaŭ Alaksandr Łukašenka.
Pavodle jaho słoŭ, miesca budaŭnictva jašče nie vyznačana, ale patencyjnyja placoŭki jość.
«Ci budziem pašyrać stancyju ŭ Astraŭcy, ci ŭ nas jość inšaja mižnarodna pryznanaja placoŭka na poŭdzień Mahilova, dzie možna pabudavać hetuju stancyju,» — rastłumačyŭ jon. — «Lišniaj elektraenierhii nie byvaje, my zaŭsiody jaje spažyviom».
Razam z tym dva błoki Astravieckaj AES nie pracujuć z pačatku śniežnia.
Kamientary