Błohier ź Biełarusi stvaryŭ pa prykole ŭ Rasii vydumany bank i staŭ miljanieram

Aŭtar spačatku nie chavaŭ, što bank vydumany. U «padvale» sajta jość paznaka, što servis paradyjny, ničoha nie pradaje i nie sprabuje padmanuć.

Pra heta ž havorać farmuloŭki: «Vašy finansy nikoli nie buduć u biaśpiecy», «Daviarajcie nam, i my ŭsio ŭładzim… jak-niebudź», «Niečakanyja kamisii», «Źnikajučyja finansy, niepradkazalnyja śpisańni — usio heta častka našaha servisu».

Kartki atrymali nazvy «Finansavaja pastka» i «Kiepskaści». Na miescy biznes-partnioraŭ — «kampanii, jakija nie daviarajuć» banku. U falšyvych vodhukach — pachvała za pastajanny minus na kartkach i «kiepskaje ŭ damovach». Proźviščy «supracoŭnikaŭ» — Padvochaŭ, Kapkanaŭ, Padmanaŭ, Urednikava i inšyja. U kantaktach havorycca, što hałoŭny ofis banka znachodzicca ŭ horadzie Niepradkazalnaść, na vulicy Hadžetnaj, 42.

Na praciahu miesiaca paśla publikacyi rolika sajt naviedali 363 tysiačy čałaviek, a ŭ TikTok stali raspaŭsiudžvacca karystalnickija videa pra «FPI Bank». Razam z padpisčykami — «bieź nijakaha dośviedu» i «pa prykole» — Nowkie vyrašyŭ zapuścić dla banka kryptatokien u błakčejnie TON praź mini-dadatak Blum u Telegram. Sam siabie jon nazyvaŭ «kryptałuzieram», a inicyjatyvu — «uharam» i «miemam».

Dla zapusku błohier ukłaŭ $1900, častku ź ich uziaŭšy ŭ doŭh. U pieršy dzień tarhoŭ kapitalizacyja tokiena dasiahnuła $13700, abjom tarhoŭ skłaŭ $4700. Kolkaść trymalnikaŭ pieravysiła 60, a cana skłała $0,0000157. Na treci dzień kolkaść «chołdaraŭ» była ŭžo 82 čałavieki, a kapitalizacyja dasiahnuła $15900.

Nieŭzabavie ŭ «FPI Banka» źjaviŭsia maskot — sabaka. Tokien trapiŭ u hałasavańnie za «samy trendavy miemkojn» u kanale Blum Memepad na 5 młn padpisčykaŭ i zaniaŭ pieršaje miesca.

Pavialičyć

Nowkie raspavioŭ, što jamu taksama pisaŭ kirujučy partnior Russian Ventures Jaŭhien Hardziejeŭ. Toj chacieŭ «Pahutaryć, jak zrabić tak, kab aktyŭnaść davała efiektyŭnaść»: «Pakul vy idziacie nie ŭ toj bok. U vas tokien na TON, a ŭ jaho niama aŭdytoryi ni ŭ X (Twitter), ni ŭ Reddit. Treba vychodzić na inšy rynak». Błohier zaprasiŭ Hardziejeva na strym, kab abmierkavać idei pry padpisčykach, ale toj admoviŭsia.

Viečaram 17 studzienia pakazčyki byli takija: trymalniki — 5926, tranzakcyi — 27 tysiač, abjom tarhoŭ — $3,8 młn, cana — bolš za $0,022, kapitalizacyja — $2,9 młn.

U novym roliku Nowkie paviedamiŭ, što jaho $1900 pieratvarylisia ŭ $262,2 tysiačy, jakich chopić na «mašynu, kvateru, biznes abo 371 tysiaču nahietsaŭ». Ale jon razumieje, što, pradaŭšy maniety, abrynie canu i tym samym «abduryć usich».

Zamiest hetaha jon pieradaje častku tokienaŭ, naprykład, aŭtaram fan-arta, nazyvaje svoj rachunak «bałansam Šrodzinhiera» i nie zaklikaje nikoha ŭkładvacca ŭ manietu. Zharnuć prajekt jon nie płanuje i abiacaje paźniej vystupić z navinami.

• 31
• 1
• 38
• 9
• 3
• 2
• 2
• 0