Praviarajem Hałoŭčanku. Ci sapraŭdy sioleta patańnieli inhredyjenty dla aliŭje?
Premjer-ministr Biełarusi Raman Hałoŭčanka zajaviŭ, što tradycyjnaja śviatočnaja sałata ŭ hetym hodzie patańnieła. Uziali ličby Biełstata i pravieryli słovy top-čynoŭnika.
Padobnyja padliki my robim štohod. Naprykład, letaś inflacyja porcyi aliŭje skłała amal 6%, u 2022-m — 14, a try hady tamu naohuł 20.
Iznoŭ nahadvajem, što heta nie źjaŭlajecca surjoznym daśledavańniem. Infarmacyja Biełstata nie ŭličvaje siarednija ceny na niekatoryja pradukty kštałtu salonych ahurkoŭ ci kansiervavanaha harošku (zamiest ich uziatyja ceny z katehoryi «kansiervavanaja harodnina»). Źviestki statystyčnaha orhana abahulnienyja: nie ŭličvajuć, naprykład, tłustaść majanezu, katehoryju jajek i h. d. Taksama nie ŭličvalisia vydatki na pryhatavańnie — kamunalnyja pasłuhi ŭ Biełarusi nie tańniejuć — a taksama imaviernyja źnižki ŭ roznych handlovych sietkach.
Aliŭje
Dla raźliku cany sałaty «Aliŭje» my, jak zvyčajna, biarem nastupny recept: kansiervavanyja ahurki (500 hramaŭ), harošak (380 hramaŭ), bulba (500 hramaŭ), morkva (200 hramaŭ), kurynyja jajki (4 štuki), varanaja kaŭbasa (300 hramaŭ), majanez (200 hramaŭ), repčataja cybula (100 hramaŭ).
| Aliŭje | Listapad 2023 | Listapad 2024 | Inflacyja, % |
| Kansiervavanyja ahurki, 1 kh (porcyja) | 9,1 (4,55) | 9,74 (4,87) | 7,03 |
| Harošak, 1 kh (porcyja) | 9,1 (3,46) | 9,74 (3,70) | 7,03 |
| Bulba, 1 kh (porcyja) | 0,75 (0,38) | 1,04 (0,52) | 38,67 |
| Morkva, 1 kh (porcyja) | 1,03 (0,21) | 1,00 (0,20) | -2,91 |
| Jajki, dziasiatak (porcyja) | 3,23 (1,29) | 3,45 (1,38) | 6,81 |
| Varanaja kaŭbasa v/h, 1 kh (porcyja) | 9,37 (2,81) | 9,70 (2,91) | 3,52 |
| Majanez, 1 kh (porcyja) | 8,73 (1,75) | 9,11 (1,82) | 4,35 |
| Repčataja cybula, 1 kh (porcyja) | 1,35 (0,14) | 1,37 (0,14) | 1,48 |
| Suma za porcyju | 14,57 | 15,54 | 6,66% |
Atrymlivajecca, što zamiest abiacanaj Ramanam Hałoŭčankam deflacyi, porcyja aliŭje za hety hod z ulikam ručnoha strymańnia cen padaražeła amal na rubiel. Pryčym ź inhredyjentaŭ sałaty za hod patańnieła tolki morkva, a najbolšuju inflacyju zaznała bulba.
Rost cen na aliŭje supadaje ź indeksam cen na charčovyja tavary pa padlikach Biełstata.
Sieladziec pad šubaj
Dla acenki koštu šuby ŭziali taki recept: salony sieladziec (350 hramaŭ), bulba (400 hramaŭ), buraki (350 hramaŭ), morkva (200 hramaŭ), kurynyja jajki (2 štuki), repčataja cybula (100 hramaŭ), majanez (300 hramaŭ).
| Sieladziec pad šubaj | Listapad 2023 | Listapad 2024 | Inflacyja, % |
| Salony sieladziec, 1 kh (porcyja) | 8,97 (3,14) | 10,04 (3,51) | 11,93 |
| Bulba, 1 kh (porcyja) | 0,75 (0,30) | 1,04 (0,42) | 38,67 |
| Buraki, 1 kh (porcyja) | 1 (0,35) | 0,99 (0,35) | -1 |
| Morkva, 1 kh (porcyja) | 1,03 (0,21) | 1,00 (0,20) | -2,91 |
| Jajki, dziasiatak (porcyja) | 3,23 (0,65) | 3,45 (0,69) | 6,81 |
| Repčataja cybula, 1 kh (porcyja) | 1,35 (0,14) | 1,37 (0,14) | 1,48 |
| Majanez, 1 kh (porcyja) | 8,73 (2,62) | 9,11 (2,73) | 4,35 |
| Suma za porcyju | 7,40 | 8,04 | 8,65% |
U adroźnieńnie ad papiarednich dvuch hadoŭ, šuba padaražeła macniej za aliŭje. U pieršuju čarhu — za košt rostu cen na asnoŭnyja inhredyjenty: bulbu i sieladziec. Ale ŭsio roŭna hetaja sałata amal u dva razy tańniejšaja za aliŭje.
Napišycie ŭ kamientarach, jak pa vašych adčuvańniach, źmianilisia za hety hod ceny na navahodni stoł. Ci zhodnyja vy z zajavami Ramana Hałoŭčanki?
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?13
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary