Prezident Hruzii zajaviła, što nie choča stanavicca Cichanoŭskaj u vyhnańni
Zurabišvili nie źbirajecca pakidać pasadu, niahledziačy na abrańnie prezidentam Michaiła Kaviełašvili.
Sałame Zurabišvili zajaviła, što nie maje namieru stanavicca prezidentam u vyhnańni padobna Śviatłanie Cichanoŭskaj u Biełarusi, piša Newsgeorgia.ge.
«Pytańnie ab tym, kab pakinuć Hruziju, nie staić… ja baču zdahadki, što ja stanu Cichanoŭskaj abo prezidentam Vieniesueły [Edmunda Hansalesam], jakich pryznajuć, kali jany akazvajucca ŭ vyhnańni. Ja taksama čuła ab prysudžeńni premii Sacharava. Ja hetaha nie chaču», — skazała Zurabišvili ŭ intervju polskamu telekanału TVP World.
«Ciapier mnie patrebna padtrymka ŭ majoj krainie, razam z maim nasielnictvam», — dadała jana.
Kalehija vybarščykaŭ, pieravažna ŭkamplektavanaja pradstaŭnikami kiroŭnaj «Hruzinskaj mary», 14 śniežnia abrała novym prezidentam krainy žorstkaha krytyka Zachadu Michaiła Kaviełašvili. Jaho inaŭhuracyja zapłanavanaja na 29 śniežnia.
Adnak Zurabišvili nazyvaje ciapierašni ŭrad «nielehitymnym». Jana zajaviła, što zastaniecca prezidentam paśla zakančeńnia svajho terminu.
Jak i ŭsia apazicyja, Zurabišvili zajaviła, što kastryčnickija parłamienckija vybary, na jakich »Hruzinskaja mara« atrymała amal 54% hałasoŭ, byli sfalsifikavanyja.
Ciapier čytajuć
Vajar ź Biełaruskaha dobraachvotnickaha korpusa: Ja žyŭ u ružovaj burbałcy2
Kamientary