Na svabodu vyjšła byłaja hałoŭnaja redaktarka BiełaPAN Iryna Leŭšyna
7 śniežnia na volu vyjšła były dyrektar i redaktar infarmacyjnaha ahienctva BiełaPAN, palitźniavolenaja Iryna Leŭšyna, piša «Pozirk».
Leŭšyna całkam adbyła termin źniavoleńnia. Kiraŭnik BiełaPAN i jaje papiarednik na pasadzie dyrektara Dźmitryj Navažyłaŭ byli zatrymanyja 18 žniŭnia 2021 hoda.
6 kastryčnika 2022 hoda Leŭšyna, Navažyłaŭ, a taksama były namieśnik dyrektara BiełaPAN Andrej Alaksandraŭ i jaho žonka Iryna Złobina rašeńniem Minskaha abłasnoha suda byli prysudžanyja da roznych terminaŭ turemnaha źniavoleńnia. Leŭšyna atrymała čatyry hady pazbaŭleńnia voli pa abvinavačvańni ŭ stvareńni «ekstremisckaha farmavańnia», jakim ułady paličyli častku supracoŭnikaŭ infarmacyjnaj kampanii BiełaPAN, stvoranaj u listapadzie 1991 hoda (č.1 art. 3611 Kryminalnaha kodeksa).
U apošnim słovie pierad vyniasieńniem prysudu Leŭšyna zajaviła: «Redakcyju, u jakoj ja prapracavała amal 30 hadoŭ, sprabujuć vystavić ekstremisckim farmavańniem, a mianie — jaho stvaralnikam i kiraŭnikom. Heta poŭnaje tryźnieńnie, ale heta nie dziŭna. Za apošnija paŭtara hoda ŭ Biełarusi źniščanyja dziasiatki srodkaŭ masavaj infarmacyi, sotni žurnalistaŭ pazbavilisia pracy abo vymušanyja byli źjechać z krainy, bajučysia kryminalnaha pieraśledu. Začystki na infarmacyjnym poli biesprecedentnyja i niejmaviernyja dla cyvilizavanaj dziaržavy ŭ XXI stahodździ. Sioj-toj vidavočna pierabłytaŭ pryčynna‑vynikovyja suviazi, vyrašyŭšy zrabić žurnalistaŭ adkaznymi za padziei, jakija adbylisia ŭ našaj krainie ŭ 20-m hodzie. Voś tolki my ni da čaho nie zaklikali, my ničoha nie skažali i nie vydumlali — realnaść była stramčejšaja za lubuju vydumku».
6 studzienia 2023 hoda Viarchoŭny sud, jaki razhladaŭ apielacyju Leŭšynaj, pakinuŭ prysud u sile.
Hałoŭny redaktar BiełaPAN adbyvała termin u Homielskaj žanočaj kałonii, pracavała ŭ šviejnym cechu.
«Samaje składanaje dla mianie tut — heta adarvanaść ad Minska, — pryznavałasia Leŭšyna ŭ adnym ź listoŭ. — Na raniejšym miescy mianie hreła dumka pra toje, što zusim pobač moj dom… Uvohule, akazałasia, što hieahrafija maje značeńnie, navat kali znachodzišsia ŭ izalacyi».
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary
Nie to čto etot Zienon Poźniak.