Dniami stała viadoma, što AAT «Biełaruśkalij» padało pazoŭnuju zajavu ŭ ramkach mižnarodnaha inviestycyjnaha arbitražu suprać Litvy, jakaja ŭviała sankcyi suprać biełaruskaha pradpryjemstva. Ciapier ža LRT daviedałasia pamier sumy, jakuju «Biełaruśkalij» chacieŭ by atrymać ad litoŭcaŭ.
Pavodle infarmacyi, atrymanaj LRT ad svaich krynic, suma zajaŭlenaha pazovu «Biełaruśkalija» — 12 miljardaŭ dalaraŭ ZŠA.
Jak śćviardžaje litoŭski advakat Rapałas Kasparavičus, jaki pradstaŭlaje jurydyčnuju firmu Marsus, padobnyja pazovy časta supravadžajucca zavyšanymi acenkami naniesienaj škody, bo sudy redka pryznačajuć poŭnaje pakryćcio strataŭ, navat kali rašeńni prymajucca na karyść pazoŭnika.
Ministerstva transpartu Litvy, jakoje pradstaŭlaje intaresy krainy, zajaviła, što nie zhodnaje z patrabavańniami «Biełaruśkalija» i pradstavić svaje arhumienty ŭ sudzie. Zhodna z praviłami arbitražu, usie padrabiaznaści pracesu zastajucca kanfidencyjnymi.
Nieaficyjnyja krynicy miarkujuć, što meta «Biełaruśkalija» — nie tolki atrymać kampiensacyju, ale i damahčysia admieny sankcyj, nakładzienych na kampaniju Jeŭrasajuzam z červienia 2022 hoda. Pazoŭ moža taksama być srodkam cisku na Litvu, kab prymusić jaje sieści za stoł pieramovaŭ.
Suma pazovu składaje kala traciny kansalidavanaha biudžetu Litvy na 2025 hod, što robić jaje značnaj dla krainy.
Rapałas Kasparavičus adznačyŭ, što ŭ padobnych vypadkach pazoŭniki mohuć patrabavać kampiensacyju jak za stračany prybytak, tak i za źnižeńnie rynkavaha koštu kampanii. U vypadku «Biełaruśkalija» havorka moža iści pra straty ad razryvu damovy z kampanijaj «Litoŭskija čyhunki», jakaja zajmałasia pieravozkaj kalijnych uhnajeńniaŭ praź Litvu da zamiežnych partnioraŭ.
Rašeńnie ab prypynieńni pieravozak było pryniata litoŭskimi ŭładami ŭ lutym 2022 hoda ź mierkavańniaŭ nacyjanalnaj biaśpieki. Akramia taho, 30% akcyj litoŭskaha terminała pa pieravozcy sypkich hruzaŭ, jaki naležyć «Biełaruśkaliju», taksama byli zamarožanyja ŭ ramkach sankcyj ES.
Advakaty miarkujuć, što niezaležna ad vyniku razhladu spravy arbitražny sud, chutčej za ŭsio, źmienšyć zajaŭlenuju sumu strataŭ.
Biełaruśkalij padaŭ u sud na litoŭskija ŭłady z-za sankcyj
Voś zakrytaja statystyka ekspartu kaliju. Sankcyi dziejničajuć
Łukašenka prapanavaŭ rasijanam kartelnuju zmovu pa kalii
Łukašenka pryznačyŭ novych kiraŭnikoŭ u «Biełnaftachim» i na «Biełaruśkalij»
Sud ES admoviŭsia zdymać sankcyi z «Biełaruśkalija» i Biełaruskaj kalijnaj kampanii
«Umka» staŭ ščyravać na «Biełaruśkalii»
Kamientary