«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj
«Našaj Nivie» stała viadoma, što na miažy Biełarusi ź Jeŭrasajuzam biełaruskija śpiecsłužby časam vyklikajuć na asabistuju hutarku novuju katehoryju ludziej — baćkoŭ, čyje dzieci žyvuć za miažoj.
Situacyja adbyłasia niadaŭna na biełaruska-polskaj miažy paśla taho, jak turystyčny aŭtobus viartaŭsia z ekskursijnaj pajezdki. Surazmoŭca «Našaj Nivy» raskazaŭ, što siarod vandroŭnikaŭ nie było ludziej, chto raniej pryciahvaŭsia pa pratesnych artykułach, — heta vyśviatlali jašče pierad padjezdam da miažy.
Ale niahledziačy na heta, biełaruskija śpiecsłužby vyklikali «na razmovu» niekalki čałaviek z aŭtobusa. Jak vyśvietliłasia, abjadnoŭvała ich usich adno — dzieci, jakija žyvuć za miažoj (surazmoŭca adznačaje, što ludziej, jakich možna adnieści da takoj katehoryi, u aŭtobusie było bolš, ale vyklikali daloka nie ŭsich ź ich).
Adzin z pasažyraŭ raskazaŭ, što ŭ jaho pytalisia, čamu jaho dzicia nie žyvie na radzimie, čamu nie choča tut pracavać. Nastojliva prapanavali patelefanavać i paprasić viarnucca žyć u Biełaruś.
«Dla mianie heta vyhladała davoli śmiešna, bo chiba sapraŭdy niechta vieryć, što paśla takoha zvanka dzieci kinuć uładkavanaje žyćcio na novym miescy (žyllo, pracu, svaich dziaciej vyrvuć sa škoły) i paniasucca ŭ Biełaruś, bo baćki zahadali? My ž havorym pra darosłych ludziej sa svaim žyćciom i mierkavańniem», — dzialiŭsia surazmoŭca.
U vyniku ŭsich vyklikanych na razmovu adpuścili.
Apytanka
Ciapier čytajuć
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami3
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary