Zajavy rasijskich uładaŭ ab tym, što ekanomika spraviłasia z zachodnimi sankcyjami i burna raście, niahledziačy na adklučeńnie bankaŭ ad SWIFT i abmiežavańni na pastaŭku tavaraŭ i technałohij, mohuć być prapahandaj i chłuśnioj, ličać ekśpierty Stakholmskaha instytuta ekanomiki pierachodnaha pieryjadu pry Stakholmskaj škole ekanomiki (NIER), piša The Moscow Times.
Pavodle statystyki Rasstata, u 2022 hodzie rasijski VUP asieŭ na 1,2% (u 6 razoŭ mienš, čym prahnazavaŭ urad u pačatku vajny), paśla čaho adrazu ž pierajšoŭ da rostu — na 3,6% u minułym hodzie i 4,6% za pieršuju pałovu 2024-ha.
Adnak viasiołkavyja ličby pieratvarajucca ŭ prach, kali dapuścić, što rasijskija ŭłady prynižajuć klučavy ekanamičny paramietr — uzrovień inflacyi, vynikaje z padlikaŭ šviedskich ekanamistaŭ.
Pavodle źviestak Rasstata, indeks spažyvieckich cen u 2022 hodzie vyras na 11,9%, u 2023-m — na 7,4%, za studzień—vierasień 2024-ha — na 5,8%. Sumarna — 27,1% z pačatku vajny.
Alternatyŭnyja mietryki inflacyi dajuć ličby ŭ razy vyšej, adznačajuć u NIER. Tak, indeks cen na paŭsiadzionnyja tavary (FMCG), jaki raźličvaje Romir na asnovie realnaha košyka spažyvańnia rasiejcaŭ, padskočyŭ na 33,4% u pieršy hod vajny, 23,2% — u druhi i jašče 13,7% za 9 miesiacaŭ 2024 hoda. U sumie — na 87%.
Kali skarektavać rost VUP Rasii nie na aficyjnuju inflacyju, a na źviestki Romir, to rost na 3,6% letaś pieratvarajecca ŭ spad na 8,7%, padličyli ŭ NIER.
Ekanamisty vykarystoŭvali taksama jašče try alternatyŭnyja madeli acenki rasijskaj ekanomiki, i ni adna ź ich nie pakazała rostu. VUP, raźličany na asnovie dalaravaha koštu nafty, letaś upaŭ na 1,9%, na asnovie rublovaha koštu nafty — na 8,2%, a madel karelacyi z VUP ZŠA pakazała abvał na 10,9%.
Ciapier čytajuć
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany12
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary