Biełarus-dalnabojščyk zładziŭ śmiarotnaje DTZ u Smalenskaj vobłaści — pajechaŭ na čyrvonaje i ŭrezaŭsia ŭ aŭtobus
U DTZ paciarpieli 11 čałaviek, troje zahinuli. Hramadzianina Biełarusi ŭziali pad vartu.
Biełarus na fury staŭ vinavatym u śmiarotnym DTZ u Smalenskaj vobłaści.
Zdareńnie adbyłosia 2 vieraśnia na 231-m kiłamietry trasy M-1 u Viaźmie. Pavodle viersii śledstva, kiroŭca fury pajechaŭ na čyrvony na skryžavańni. U vyniku vialikahruz na chutkaści ŭlacieŭ u PAZ, jaki sprabavaŭ paviarnuć naleva. Ad udaru aŭtobus taksama adkinuła ŭ Nissan Primera, paviedamlaje smolnarod.ru.
U vyniku DTZ adzin pasažyr aŭtobusa ad atrymanych traŭmaŭ pamior na miescy, 10 pasažyraŭ ź cialesnymi paškodžańniami roznaj stupieni ciažkaści byli špitalizavanyja ŭ Viaziemskuju CRB, dvoje ź jakich paźniej pamierli ŭ balnicy.
Sud u Viaźmie zaklučyŭ kiroŭcu fury pad vartu. Takoje rašeńnie było pryniata ŭ tym liku tamu, što abvinavačany — hramadzianin Biełarusi, nie maje pastajannaha miesca žycharstva na terytoryi Rasii i moža schavacca ad orhanaŭ śledstva i suda.
Kiroŭcu abvinavačvajuć u parušeńni praviłaŭ darožnaha ruchu, jakoje paciahnuła za saboj śmierć dvuch abo bolš čałaviek. Mužčynu pahražaje da siami hadoŭ turmy.
-
U Viciebsku mužčyna zabiŭ dziesiacimiesiačnuju dziaŭčynku
-
Na Barysaŭščynie 79‑hadovaja piensijanierka sprabavała spalić dom z unukam i jaho dziaŭčynaj
-
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy6
Kamientary