U Isłandyi šosty raz za dzieviać miesiacaŭ žychary vostrava pieražyvajuć mocnaje vyviaržeńnie vułkana. Rybackuju viosku Hryndavik u vakolicach Rejkjavika navat pryjšłosia evakujavać.
U čaćvier viečaram, 22 žniŭnia, adbyłosia toje, čaho čakali ŭžo niekalki tydniaŭ. Vielizarnaja kolkaść łavy rvanuła z-pad ziamli na paŭvostravie Rejkjanies na paŭdniovy zachad ad Rejkjavika. Usiaho za hadzinu da vyviaržeńnia tam adbyŭsia mocny ziemlatrus.
Telekanał RÚV pakazaŭ u pramym efiry, jak łava vyrvałasia z raskoliny ŭ ziamli daŭžynioj kala čatyroch kiłamietraŭ. Pa danych isłandskaha Mietearałahičnaha biuro, paśla vyviaržeńnia vułkana ŭ načnoje nieba na kiłamietr padniałosia vobłaka haračaha hazu, a nad astyłaj vułkaničnaj parodaj, jakaja ŭtvaryłasia ŭ vyniku papiarednich vyviaržeńniaŭ, raskinułasia sietka łavavych prožyłkaŭ.
Niekalki damoŭ na paŭnočnaj uskrainie vioski Hryndavik z nasielnictvam čatyry tysiačy čałaviek byli źmiecienyja i razburanyja łavaj padčas vyviaržeńnia ŭ studzieni. Pakul što niezrazumieła, ci dasiahnie patok vadkaj parody vioski hetym razam, piša Bild.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary