U Barysavie znoŭ asudzili palitviaźnia, jakoha ŭviesnu nie vyzvalili z kałonii
47-hadovy Vasil Kavaloŭ mieŭsia vyjści na volu ŭ sakaviku z barysaŭskaj kałonii №14. Ale pierad vyzvaleńniem suprać jaho zaviali kryminalnuju spravu pavodle art. 411 Kryminalnaha kodeksa (złosnaje niepadparadkavańnie patrabavańniam administracyi kałonii).
11 červienia ŭ Barysavie sudździa Ludmiła Zinkievič razhladzieła novuju kryminalnuju spravu suprać Vasila, ale vynik suda pakul nieviadomy. Palitviazień abskardžvaje prysud, piša «Viasna».
U kastryčniku 2022 hoda Vasila asudzili pavodle art. 369 KK (abraza pradstaŭnika ŭłady) i art. 369-1 KK (dyskredytacyja Respubliki Biełaruś). Sud Mazyrskaha rajona pryznačyŭ palitviaźniu pazbaŭleńnie voli.
Paśla razhladu apielacyjnaj skarhi mužčynu nakiravali adbyvać termin u barysaŭskuju kałoniju № 14. 27 lutaha 2024 hoda ŭ sudzie Barysaŭskaha rajona była pryznačana sprava «Ab ustanaŭleńni previentyŭnaha nahladu». Heta značyć, što napačatku sakavika Vasil musiŭ vyjści na volu pa zakančeńni terminu.
Ale ŭžo ŭ červieni ŭ sudzie Barysaŭskaha rajona nad palitviaźniem adbyŭsia sud pavodle art. 411 Kryminalnaha kodeksa (złosnaje niepadparadkavańnie patrabavańniam administracyi kałonii). Spravu razhladała sudździa Ludmiła Zinkievič. Prysud nieviadomy, ale, vierahodna, jamu znoŭ pryznačyli pazbaŭleńnie voli.
U Minskim abłasnym sudzie 6 vieraśnia adbudziecca razhlad apielacyjnaj skarhi Vasila. Rašeńnie budzie prymać sudovaja kalehija pad staršynstvam sudździ Aleha Łapieki.
Miesca ŭtrymańnia Vasila: PK № 14. 222125, Minskaja vobł., Barysaŭski rajon, s. n. p. Navasady
Kavaloŭ Vasil Mikałajevič
-
Uładalnik kramy Kropka ŭ Vilni raskazvaje, jak raźvivajecca jaho biznes i ci znajšli tych, chto raźbiŭ im vokny
-
Rasijanka pierajechała ŭ viosku pad Oršaj i ździŭlena biełaruskim standartam. «Tut pastajanna jość śviatło»
-
Volha Takarčuk padzialiłasia dramatyčnymi padrabiaznaściami svaich uciokaŭ ź Biełarusi
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej5
Kamientary