Leta jašče paraduje ciopłym, a ŭ niekatorych rajonach i haračym nadvorjem.
Na tydni 19-25 žniŭnia siaredniaja tempieratura čakajecca na 2-4 °C vyšej za normu. Adnak nadvorje stanie nasić bolš niaŭstojlivy charaktar, pakolki da ciapła dadaducca navalničnyja daždžy roznaj intensiŭnaści. Pra heta ŭ efiry ANT raskazaŭ sinoptyk Dźmitryj Rabaŭ.
U pačatku tydnia na nadvorje akažuć upłyŭ atmaśfiernyja franty, jakija pryniasuć u paniadziełak u bolšaść rajonaŭ Biełarusi, a ŭ aŭtorak u paŭdniova-ŭschodnija rajony karotkačasovyja daždžy, mahčymyja navalnicy. Viecier zachodni, paŭnočna-zachodni, umierany, pry navalnicach paryvisty. Vilhotnaść da 80%. Unačy ad 13 da 18°C, u dzionnyja hadziny ŭ paniadziełak ad +23°C u Hrodnie da +33°C u Homieli, u aŭtorak ad +20 da +27°C.
U siaredzinie tydnia za kiravańnie nadvorjem voźmiecca antycykłon z zachadu Jeŭropy. Pieramiennaja vobłačnaść. Bieź istotnych daždžoŭ. Viecier pieramiennych napramkaŭ, umierany. Vilhotnaść da 70%. Tempieratura nočču ad + 13 da +18°C. Dniom u sieradu ad +23°C pa paŭnočnym zachadzie da + 32°C pa paŭdniovym uschodzie.
Pavodle papiarednich prahnozaŭ, u pačatku druhoj pałovy tydnia mieteaŭmovy stanuć vyznačać vobłaść vysokaha atmaśfiernaha cisku i vilhotnyja, niaŭstojlivyja pavietranyja masy. Łakalna projduć nievialikija daždžy. Vilhotnaść da 70%. Pad ranicu miescami tuman. Viecier umierany. Nočču +12 … +17°C. Dniom u čaćvier ad + 19°C pa poŭnačy da + 29°C u paŭdniova-ŭschodnich rajonach, u piatnicu — +19…+23°C.
U vychadnyja — pieramiennaja vobłačnaść, abydziecca bieź istotnych daždžoŭ. Nočču i ranicaj miescami tuman, bačnaść da paŭkiłamietra. Viecier zachodni, umierany. Vilhotnaść da 70%. Unačy +13… + 17°C, u siaredzinie dnia ŭ subotu ad + 23°C pa paŭnočnym uschodzie da +31°C pa paŭdniovym zachadzie. U niadzielu ad +19°C pa ŭschodzie da + 27°C pa paŭdniovym uschodzie.
Kamientary