Usiaho za čatyry hady da vytvorčaści dapuščanyja 11 novych sartoŭ bulby.
U Nacyjanalnaj akademii navuk za apošnija čatyry hady vyvieli 11 novych sartoŭ bulby, jakija byli dapuščanyja da sielhasvytvorčaści.
Pa słovach hiendyrektara Navukova-praktyčnaha centra pa bulbavodstvie i płodaaharodnictvie Andreja Čajkoŭskaha, hetyja sarty vałodajuć vysokaj patencyjnaj uradžajnaściu — ad 60 da 70 t/ha, pišuć «Minsk-Naviny».
Da navinak adnosiacca rannija sarty «Pieršaćviet» i «Julija», ich asablivaść — u farmiravańni tavarnaha ŭradžaju ŭ rannija terminy ŭborki. Kłubni pieršaha dobra zachoŭvajucca ŭ zimovy pieryjad, druhi ž padychodzić dla pramysłovaj pierapracoŭki na čypsy i dla vakuumavańnia.
Akramia taho, śpiecyjalist vyłučyŭ siarednierannija sarty bulby «Karsan» i «Mastak», jakija majuć kompleksnuju ŭstojlivaść da chvarob. Sort «Mastak» u spryjalnych umovach farmuje ŭradžajnaść da 70,5 t/ha.
Što tyčycca sortu «Karsan», to ŭ jaho nazirajecca vysokaja zdolnaść da lažańnia. Novyja siaredniaśpiełyja sarty «Harantyja» i «Vodar» apiaredžvajuć znakamity sort «Skarb» pa ŭradžajnaści — pakazčyk składaje da 65-70 t/ha. Kłubni hetych sartoŭ mohuć vykarystoŭvacca dla vytvorčaści bulbapraduktaŭ z ulikam ahraklimatyčnaj zony vyroščvańnia i času pierapracoŭki.
Siarod navinak taksama pradstaŭlenyja dva stałovyja sarty «Nara» i «Rubin», a taksama «Krok» i «Bajarski» stałovaha i techničnaha pryznačeńnia. Patencyjnaja ŭradžajnaść hetych sartoŭ — 60-65 t/ha. Jany vałodajuć kompleksnaj ustojlivaściu da chvarob, a taksama prydatnaściu dla pramysłovaj pierapracoŭki na roznyja vidy bulbapraduktaŭ.
Prosta ciapier vyprabavańni prachodziać jašče šeść novych sartoŭ bulby.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec14
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1717
Kamientary