Byłaja biełaruskaja spartsmienka ŭžo druhi raz za žyćcio pamianiała spartyŭnaje hramadzianstva
Srebranaja pryziorka Tokia-2020 u akademičnym viesłavańni Hanna Prakacień atrymała ad Mižnarodnaha alimpijskaha kamiteta dazvoł na Alimpijskich hulniach u Paryžy pradstaŭlać Uźbiekistan.
Hetaja źmiena hramadzianstva dla Prakacień užo nie pieršaja. Jana naradziłasia ŭ 1992 hodzie ŭ Minsku i da 2016 hoda pradstaŭlała na mižnarodnych spabornictvach Biełaruś. Ale ŭ 2017 hodzie pierajechała ŭ Sankt-Pieciarburh i stała vystupać za Rasiju, u składzie jakoj stała čempijonkaj Jeŭropy i zavajavała srebrany miedal na Alimpijadzie.
Paśla taho, jak Rasija pačała poŭnamaštabnuju vajnu va Ukrainie i sutyknułasia z usimi źviazanymi z hetym prablemami, Prakacień stała šukać dla siabie inšuju krainu i znajšła jaje ŭ asobie Uźbiekistana. U składzie ŭźbiekskaj zbornaj jana ŭžo paśpieła letaś navat vyjhrać zołata Azijackich hulniaŭ.
Ciapier MAK dazvoliŭ joj vystupić i na Alimpijadzie.
«Siońnia na pasiadžeńni ŭ Paryžy Vykanaŭčy saviet Mižnarodnaha alimpijskaha kamiteta pryniaŭ dźvie zajavy ab źmienie spartyŭnaha hramadzianstva spartsmienaŭ u adpaviednaści z praviłam 41 Alimpijskaj chartyi», — havorycca na sajcie MAK.
Paśla paśpiachovaj dla siabie Alimpijady ŭ Tokia Hanna Prakacień dała intervju dla rasijskaha vydańnia «Sport-ekspriess», dzie siarod inšaha zhadała i pra biełaruskija pratesty 2020 hoda.
«Što ja dumaju pra palityku? Skažu, što, kali išli pratesty, jechać dadomu było strašna. Adna sprava, kali hladziš pa televizary — nu, vyjšli, pakryčali, kruta ž. Ale kali tam žyvieš, to vielmi strašna», — skazała jana.
U adnym pakiecie z Prakacień pamianiaŭ spartyŭnaje hramadzianstva amierykanski płyviec Kai Lijam Vinkler. Jon ciapier budzie vystupać za Hiermaniju.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii9
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie3838
Kamientary