Lidar čempijanatu Biełarusi vylecieŭ ź niatopavaha jeŭrakubka ŭžo na pieršaj stadyi kvalifikacyi
«Tarpieda-BiełAZ» vybyła ŭžo ŭ pieršym raŭndzie kvalifikacyi Lihi kanfierencyj — treciaha pa ranžyru turniru.
«Tarpieda-BiełAZ» pa sumie dvuch matčaŭ prajhrała małdoŭskamu «Miłsami».
Tydzień tamu ŭ Vienhryi na chatnia-niejtralnym poli žodzincy prajhrali 2:4, a siońnia ŭ Małdovie była ničyja 0:0. «Miłsami» vyjšaŭ u druhi raŭnd.
«Tarpieda-BiełAZ» paśla pieršaha kruha lidziruje ŭ nacyjanalnym čempijanacie, dzielačy viaršyniu ź minskim «Dynama». U kłubaŭ pa 35 bałaŭ, «Dynama» vyšej za košt dadatkovych pakazčykaŭ.
BATE, darečy, tolki na 10-m miescy.
U hetyja chviliny «Isłač» prymaje na ŭmoŭna svaim poli ŭ Vienhryi «La Fijarytu» z San-Maryna. Tydzień tamu «Isłač» vyjhrała ŭ haściach 1:0.
Hrodzienski «Nioman» voźmie start adrazu z druhoha raŭndu Lihi kanfierencyj, jaho supiernikam budzie rumynski «Kłuž».
Nahadajem, što čempijon krainy minskaje «Dynama» prajšło pieršy etap kvalifikacyi Lihi čempijonaŭ. Supiernikam u druhim raŭndzie budzie bałharski «Łudahorac».
Usie pieršyja matčy projduć na nastupnym tydni.
Ciapier čytajuć
Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie2
Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary