U Minsku ŭ noč z 11 na 12 lipienia sinoptyki zafiksavali «ahurkovuju noč». Na apornaj mieteastancyi ŭ mikrarajonie Uručča ŭ hety čas sutak tempieratura pavietra była kala 20°S, piša telehram-kanał «Minsk i minčanin».
Takaja nazva źviazanaja z asablivaściu rostu ahurkoŭ. Ich płady najbolš intensiŭna rastuć pieravažna ŭ ciomny čas sutak, pry tempieratury kala 20°S. U inšy čas jany rastuć taksama, ale pavolniej.
«Ahurkovaja noč» — źjava nie toje kab zusim redkaja, ale i nie častaja. Da hetaha jana była zafiksavanaja 6 žniŭnia 2023 hoda, 22 červienia 2021-ha i 6 lipienia 2020-ha. U toj ža čas letam 2010 hoda tempieraturu nie nižej za 20°S nočču zafiksavali 18 razoŭ.
Pry hetym pa-sapraŭdnamu «ahurkovaj» noč moža ličycca tady, kali adpaviednaja tempieratura zafiksavanaja na mieteastancyi, bo tam danyja «pa-navukovamu dakładnyja, heta etałon». Bo «hraduśnik za aknom, pad kapotam mašyny, hraduśnik na nahretaj bietonnaj ścianie doma abo nad ciopłym asfaltam budzie davać «ahuročnyja nočy» jak z kulamiota».
Biełhidramiet upieršyniu sioleta abviaściŭ maksimalny čyrvony ŭzrovień niebiaśpieki
U subotu budzie da +37°S, pryčym pa poŭnačy +29°S
Idzie vielmi mocnaja śpioka. Budzie da +36°S, a ŭ Minsku +34°S
«Jak dźmuchaŭcoŭ u poli». Biełarusy raskazali, jakija hryby stali źjaŭlacca paśla ŭstojlivaj śpioki i karotkich daždžoŭ
Kamientary
))) Śmiešna. Moža zafisavanaja na hurkovych hradach budzie bolš dakładnaja ?