Pamior Vadzim Tumanaŭ, adzin z najbližejšych siabroŭ Uładzimira Vysockaha. Jon sprabavaŭ źbiehčy z HUŁAHa vosiem razoŭ
Vadzim Tumanaŭ naradziŭsia ŭ 1927 hodzie ŭ Biełaj Carkvie pad Kijevam, ale chutka siamja pierajechała na Daloki Uschod.
U Maskvie na 97-m hodzie žyćcia pamior saviecki zołatapramysłoviec Vadzim Tumanaŭ — adzin z najbližejšych siabroŭ paeta, barda i akciora Uładzimira Vysockaha. Apošnija hady Tumanaŭ ciažka chvareŭ, piša Rasijskaja słužba Radyjo Svaboda
U 1948 hodzie 21-hadovaha Tumanava, jaki viarnuŭsia z frantoŭ Druhoj suśvietnaj vajny, aryštavali i prysudzili da vaśmi hadoŭ pazbaŭleńnia voli pa iłžyvym abvinavačvańni ŭ špijanažy i antysavieckaj ahitacyi. Jon adbyvaŭ źniavoleńnie na Kałymie, adkul sprabavaŭ źbiehčy vosiem razoŭ.
Paśla śmierci Stalina, u 1956 hodzie, Tumanava vyzvalili, pryznaŭšy nievinavatym. Vyjšaŭšy na volu, jon zasnavaŭ niekalki bujnych arcielaŭ pa zdabyčy zołata, staŭšy, jak paźniej jaho nazyvali, «pieršym lehalnym savieckim miljanieram».
Šyrokaj hramadskaści Tumanaŭ byŭ viadomy dziakujučy siabroŭstvu z Uładzimiram Vysockim. Paet i bard pryśviaciŭ jamu niekalki svaich piesień.
Viadoma, što za niekalki tydniaŭ da śmierci Vysockaha Tumanaŭ ŭhavaryŭ jaho palacieć ź im u tajhu, kab tam, udalečyni ad cyvilizacyi, pasprabavać vylečyć paeta ad narkazaležnaści.
U samy apošni momant Vysocki admoviŭsia ad hetaj pajezdki i pamior u lipieni 1980 hoda.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary
Okazyvajetsia Tumanov z maim tatam adnahodki. A majho baćki ŭžo daŭno niama.