«Ciapier vyznačajecca, ci padlahaje jon adnaŭleńniu». Z-kanały paćvierdzili paškodžańnie najnoŭšaha Su-57
Rasijski pablik Fighterbomber, jaki śpiecyjalizujecca na avijatematycy, paćvierdziŭ ataku na Su-57 u Achtubinsku.
«Tak, učora aeradrom u Achtubinsku padvierhnuŭsia napadu BPŁA. Try štuki dalacieła.
Askiepkami atrymaŭ paškodžańni Su-57, ciapier vyznačajecca, padlahaje jon adnaŭleńniu ci nie.
Kali nie, to heta budzie pieršaja bajavaja strata Su-57 u historyi», — kanstatuje aŭtar kanała.
Pavodle jaho słoŭ, vinavata ŭ źniščeńni najkaštoŭniejšaha samalota rasijskaja karupcyja.
«Za košt tolki adnaho hetaha Su-57, chovanki ad BPŁA možna było pabudavać usim samalotam apieratyŭna-taktyčnaj avijacyi krainy. Zrazumieła kali pa šlachu ich nie piz**ć i nie razdavać adkaty.
I na Łaos b jašče zastałosia», — piša Fighterbomber.
8 červienia na terytoryi aeradroma «Achtubinsk» u Astrachanskaj vobłaści RF, raźmieščanym u 589 kiłamietrach ad linii fronta, atakavany šmatmetavy rasijski źniščalnik Su-57, paviedamiŭ HUR.
Su-57 — šmatmetavy źniščalnik piataha pakaleńnia. Jaho stvaryli z užyvańniem technałohij małaprykmietnaści i pieradavoj elektroniki. Hetaja bajavaja mašyna zdolnaja nieści ŭzbrajeńnie va ŭnutranych adsiekach fiuzielaža. Samalot taksama vałodaje zvyšhukavoj krejsierskaj chutkaściu, pry hetym moža manieŭravać ź vialikimi pierahruzkami.
Heta samy sučasny rasijski źniščalnik, jaki zdolny vykarystoŭvać dla ŭdaraŭ rakiety Ch-59 i Ch-69.
Na ŭzbrajeńni pavietrana-kaśmičnych sił Rasii znachodziacca adzinki takich bajavych samalotaŭ.
Učora Minabarony RF zajaŭlała ab źbićci dronaŭ nad Astrachanskaj vobłaściu.
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka2
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1111
Kamientary