Paśla napadu mihranta na polskaha vajskoŭca Tusk anansavaŭ adnaŭleńnie bufiernaj zony na miažy ź Biełaruśsiu
Premjer-ministr Polščy Donald Tusk pabyvaŭ la miažy ź Biełaruśsiu ŭ Dubičach Carkoŭnych (Padlaskaje vajavodstva).
Ranicaj 28 traŭnia na polskaha vajskoŭca z nažom napaŭ mihrant, jaki sprabavaŭ u składzie vialikaj hrupy niezakonna pierasiekčy miažu z boku Biełarusi. Vajskoŭca špitalizavali. U chutkim časie premjer-ministr Polščy Donald Tusk paviedamiŭ, što ŭ suviazi sa zdareńniem na achovu miažy ź Biełaruśsiu nakiravali dadatkovyja siły, piša «Svaboda».
29 traŭnia stała viadoma, što stan paciarpiełaha ad napadu polskaha žaŭniera ciažki. Jon zmahajecca za svajo zdaroŭje i žyćcio, paviedamiŭ namieśnik kiraŭnika Minabarony Polščy Cezary Tomčyk.
Premjer-ministr Tusk u svaju čarhu vykazaŭ vialikaje spačuvańnie siamji paranienaha vajskoŭca i zajaviŭ, što polski ŭrad zrobić usio, što ad jaho zaležyć, kab blizkija paciarpiełaha atrymali efiektyŭnuju dapamohu. Jon padkreśliŭ, što, na žal, takija napady na vajskoŭcaŭ nie navina.
«Siońnia my pryniali rašeńnie razam z vajskovym kamandavańniem, pamiežnaj achovaj i palicyjaj ab aktyvacyi ŭsich mieraŭ u płanie materyjalna-techničnaha zabieśpiačeńnia i abstalavańnia, kab zrabić vašu słužbu biaśpiečnaj z punktu hledžańnia dziaržavy, biaśpiečnaj nastolki, nakolki heta mahčyma taksama i z vašaha punktu hledžańnia», — adznačyŭ Tusk, źviartajučysia da žaŭnieraŭ.
Jon paviedamiŭ, što pamiežniki rekamiendavali pradstaŭnikam uradu jak maha chutčej adnavić 200-mietrovuju bufiernuju zonu ad miažy ź Biełaruśsiu.
«I razam ź ministrami nacyjanalnaj abarony i ŭnutranych spraŭ, usim uradam my prymiem takoje rašeńnie na pačatku nastupnaha tydnia», — skazaŭ kiraŭnik urada.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary