Ukrainskija bieśpiłotniki vyvieli z ładu 14% naftapierapracoŭčych mahutnaściaŭ Rasii
Udary ŭkrainskich bieśpiłotnikaŭ pa rasijskich NPZ u pačatku 2024 hoda vyvieli z ładu 14% naftapierapracoŭčych mahutnaściaŭ Rasii i pryviali da rostu ŭnutranych cenaŭ na paliva, paviedamlaje Bloomberg sa spasyłkaj na ŭpraŭleńnie raźviedki Pientahona.
Strata častki rasijskich naftapierapracoŭčych mahutnaściaŭ pryviała da rostu da siaredziny sakavika ŭnutranych cenaŭ na 20% — 30% i spravakavała prypynieńnie ekspartu, kab zasiarodzicca na zadavalnieńni ŭnutranaha popytu. Pra heta havorycca ŭ acency raźviedvalnaha ŭpraŭleńnia Ministerstva abarony ZŠA, jakaja była abahulnienaja ŭ dakładzie hienieralnaha inśpiektara Robierta Storča, jaki robić nahlad z dapamohaj Ukrainy.
«Kab źmiakčyć upłyŭ hetych udaraŭ, Rasija zabaraniła ekspart bienzinu na šeść miesiacaŭ, pačynajučy z sakavika, i pačała impartavać naftapradukty ź Biełarusi, jakija płanavała impartavać z Kazachstana, a taksama dała pryjarytet adhruzcy naftapraduktaŭ rasijskimi čyhunkami ŭ supraćvahu inšym vidam transpartu».
U toj ža čas ukrainskija ataki na enierhietyčnyja abjekty «pryviali da niaznačnych pierabojaŭ u elektrazabieśpiačeńni rasijskich vajskoŭcaŭ i cyvilnaha nasielnictva», bo «Rasija maje mahutnyja hienieracyjnyja mahutnaści — trecija pavodle vieličyni ŭ śviecie — i vysokuju stupień reziervavańnia ŭ svajoj sietcy», havorycca ŭ acency.
Apublikavany analiz achoplivaje tolki dvuchmiesiačny pieryjad — ad pieršaha napadu 21 studzienia na zavod PAT «Navatek» va Uść-Łuzie da ataki 24 sakavika na elektrastancyju ŭ Novačarkasku.
Dron atakavaŭ čarhovy rasijski NPZ — ciapier u Vałhahradzie
Dla ŭdaru pa NPZ u Baškartastanie USU prymianili zvyšlohki samalot
Bieśpiłotniki ŭdaryli pa NPZ pad Kałuhaj
Biełaruskaja naftapierapracoŭka niasie vializnyja straty
«Pucin — dyktatar, patryjarch Kirył — pamahaty, rasijskija NPZ — zakonnyja vajennyja celi» — rezalucyja PARIE ŭ suviazi z zabojstvam Navalnaha
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary