«Sindrom raptoŭnaj śmierci». Źjaviłasia novaja viersija, ad čaho pamior Navalny
Maci i advakatu Alaksieja Navalnaha ŭ kałonii, dzie jon adbyvaŭ pakarańnie, paviedamili, što palityk nibyta pamior praz «sindrom raptoŭnaj śmierci». Pra heta napisaŭ u subotu dniom paplečnik palityka Ivan Ždanaŭ.
Aniestezijołah-reanimatołah Alaksandr Pałupan, jaki lačyŭ Navalnaha paśla jahonaha atručvańnia, u kamientary vydańniu «Ahientstvo» vykazaŭ zdahadku, što havorka idzie pra raptoŭnuju sardečnuju śmierć, bo dyjahnaz «sindrom raptoŭnaj śmierci» staviać tolki niemaŭlatam.
Ale pry hetym, pa słovach Pałupana, pry raptoŭnaj sardečnaj śmierci nie moža adbyvacca toje, što było apisana ŭ raniejšym paviedamleńni UFSIN pra vypadak Navalnaha. U relizie viedamstva havaryłasia, što Navalny «paśla prahułki adčuŭ siabie drenna, praktyčna adrazu straciŭšy prytomnaść».
Na samaj spravie, jak śćviardžaje lekar, u vypadku raptoŭnaj sardečnaj śmierci pacyjent hublaje prytomnaść, nie paśpieŭšy adčuć siabie drenna.
«Zvyčajna heta adbyvajecca imhnienna. Heta nie paharšeńnie stanu. Kali paharšeńnie stanu było, to jano doŭžyłasia siekundu da taho, jak pacyjent straciŭ prytomnaść i ŭ jaho nie stała efiektyŭnaha krovazvarotu. Heta rezka [adbyvajecca], ź pieršych prykmiet da straty prytomnaści prachodziać siekundy», — skazaŭ jon.
Dyjahnaz «raptoŭnaja sardečnaja śmierć» jak adziny dyjahnaz zvyčajna staviać, kali nie vyjaŭlena inšych pryčyn pry ŭskryćci, skazaŭ Pałupan. I jon vielmi zručny, pakolki pad jaho možna padahnać što zaŭhodna.
Aficyjna pryčyny śmierci Navalnaha pakul nie nazyvalisia. Praktyčna adrazu Russia Today paviedamiła pra adarvany tromb. Adnak Pałupan śćviardžaje, što taki dyjahnaz pastavić biez uskryćcia nielha.
Pryčyna śmierci Alaksieja Navalnaha pakul nie vyśvietlena
Kamanda Navalnaha zajaviła, što jaho cieła niama ŭ morhu ŭ Salechardzie
«Niezrazumieły kipiež u kałonii, dzie byŭ Navalny, pačaŭsia jašče ŭviečary ŭ čaćvier, a ranica piatnicy pačałasia z tatalnaha šmonu»
Zatrymańni kala «Ściany smutku» ŭ Maskvie, kudy z ranicy niasuć kvietki ŭ pamiać ab Navalnym
Zabojstva Navalnaha moža być sihnałam Zachadu ad vielmi kansiervatyŭnaha kryła Kramla — žurnalisty Bild
U roznych haradach śvietu adbylisia akcyi pamiaci Navalnaha FOTY
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary
🩸 Jakści daviałosia pahamanić z dośviednym doktaram stałaha vieku. Tej adznačyŭ, što tromby ź vienaŭ u nazie naŭradci dapłyvuć da našych pałymianych sercaŭ. I jaki tromb moh by źjavicca ŭ Navalnaha, kab tej ź Niamieččyny nie viarnuŭsia ŭ turmu (narodaŭ)?
🐍 Miž tym lohka znajści ŭ siecivie vidyi, dzie jad źmiai zhuščaje kryviu, adrazu robiačy ŭ jej zatamki. Dyk što kazać tutaka pra hadaŭ-navukoŭcaŭ, jakija tysiačahodździami pracujuć nad stvareńniem i ŭdaskanaleńniem atrutaŭ? Voś tej ža «Navičok» — praz sutki, naprykład, jaho ŭžo nielha znajści ŭ arhaniźmie.
🥺 Vielmi škada Navalnaha. Padčas SSSR my jak ža mroili najlepšaj budučyniaj! I ŭ Rasiei naprykancy Jelcyna Pucin vydavaŭsia jašče bólšym, čym tej, prahresyŭcam, demakratam, i Sałaŭjoŭ — najliberalnym apazycyjnym žurnalistam. A kali ŭsio hena pieraharnuła svoj na sapraŭdny imperski nacystoŭski tvar, u susiedziaŭ zastavałasia jašče nadzieja. Ale budučynia «pidmanuła, pidviła» j naŭprost ździčeła. Pieramałaciła navat «śviatoha Ałéksija»...