Doktar, jaki pracavaŭ z Navalnym paśla atručvańnia, nie vieryć u viersiju pra tromb
Advakat Leanid Sałaŭjoŭ raspavioŭ, što apošni raz naviedvaŭ Navalnaha ŭ sieradu, i ź im usio było narmalna. Pra stan zdaroŭja palityka «Mieduza» parazmaŭlała z reanimatołaham Alaksandram Pałupanam — jon uvachodziŭ u kansilium, jaki pracavaŭ z Navalnym u Omsku paśla atručvańnia, a zatym rehularna kansultavaŭ paplečnikaŭ apazicyjaniera.
U mianie niama ekskluziŭnaj infarmacyi pa zdaroŭi [Navalnaha] — nie toje, što ŭ mianie, jaje i ŭ kamandy niama. Ja razmaŭlaŭ sa svajakami Alaksieja tolki ŭ tyja momanty, kali ŭ jaho byli vidavočnyja paharšeńni pa zdaroŭi — i pa toj infarmacyi, jakaja ŭ mianie jość, niejkich pryncypovych i krytyčnych paharšeńniaŭ u hetaj halinie nie było.
Zrazumieła, što [u cełym] zdaroŭje ŭ jaho było drennaje — jak i ŭ luboha čałavieka, jaki budzie źmieščany ŭ takija ŭmovy. Ale mnie čamuści zdajecca, što heta małaimaviernaja pryčyna naturalnaj śmierci.
Pa-pieršaje, jany [prapahandysty] adrazu stali pisać pra tromb, jaki adarvaŭsia — a pra heta niemahčyma skazać biez uskryćcia. Jany mahli b skazać «raptoŭnaje spynieńnie serca», ale trombaembaliju [zakarkavańnie arteryi trombam — zaŭv. «Mieduzy»] moža pakazać tolki ŭskryćcio. Nijakich inšych mietadaŭ niama.
U Alaksieja nie było nijakich abjektyŭnych ryzyk trombaembalii — zachvorvańniaŭ vien nižnich kaniečnaściaŭ, trombafilii, trambozu i hetak dalej. Čaściej za ŭsio tromby traplajuć u lohačnyja arteryi ź vien nižnich kaniečnaściaŭ i małoha tazu.
Adpaviedna, faktary ryzyki — heta prablemy z nahami, naprykład, praciahłaja imabilizacyja paśla pierałomaŭ, albo ankałahičnyja pracesy ŭ orhanach małoha tazu. Ničoha hetaha ŭ Alaksieja nie było. Faktaram ryzyki moža być i mihacielnaja arytmija, ale hetaha nie było taksama.
Niejki čas tamu ŭ jaho byli prablemy sa śpinoj, ale jany absalutna nie pahražajuć žyćciu, tolki vyklikajuć dyskamfort. Jašče kaliści, daŭnym-daŭno, była pnieŭmanija, ale apošnim časam, paŭtarusia, vostrych rečaŭ nie było. Była niejrapatyja paśla atručvańnia «Navičkom», ale jana typovaja pry takim atručvańni.
Ci možna zamaskiravać zabojstva pad trombaembaliju? Kali pravieści sumlennaje ŭskryćcio, to tromb pavinna być vidać. Nie moža być dyjahnazu «trombaembalii» biez znojdzienaha trombu, jaki adarvaŭsia. Ale jany mohuć zrabić usio što zaŭhodna — sfalsifikavać pratakoł uskryćcia. I nichto ničoha nie zmoža pravieryć.
U kałonii raptoŭna pamior Alaksiej Navalny
«Pucin trymaŭsia, kali jamu raskazali pra śmierć Navalnaha» — «Kommiersant»
Chrysta Hrozieŭ pra śmierć Navalnaha: «Jon urešcie byŭ zabity Pucinym siońnia»
Jak ciapier vyhladajuć hałoŭnyja staronki suśvietnych miedyja
«Vidavočna, jon zabity Pucinym» — Zialenski adreahavaŭ na śmierć Navalnaha
Miedyki bolš za paŭhadziny sprabavali reanimavać Navalnaha
Ciapier čytajuć
Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu4
Kamientary