Apošnim časam nabiraje papularnaść novaja tendencyja — nadziavać škarpetki padčas snu. I niekatoryja ekśpierty vielmi z hetym zhodnyja. Ale byvajuć situacyi, kali heta pryvodzić da vialikich prablem u adnosinach.
Statystyka pa hetaj temie abmiežavanaja, ale zhodna z adnym z anłajn-apytańniaŭ, 63% ludziej nikoli nie śpiać u škarpetkach, 25% časam heta praktykujuć, a amal 12% robiać heta rehularna, piša «Uoł-stryt džornał».
Prychilniki snu ŭ škarpetkach spasyłajucca na navuku. Daśledavańni pakazvajuć, što škarpetki sahravajuć nohi, što palapšaje son. Klinika Kliŭlenda i Univiersitet achovy zdaroŭja Fłarydy prapahandujuć škarpetki jak «nieviadomaha hieroja», jaki značna ŭmacoŭvaje son.
Daśledavańnie, apublikavanaje ŭ Journal of Physiological Anthropology, pakazała, što maładyja mužčyny ŭ škarpetkach zasynali na 7,5 chviliny chutčej, spali na 32 chviliny daŭžej i pračynalisia ŭ 7,5 razu radziej, čym tyja, chto spaŭ biez škarpetak.
Kliničny psichołah i śpiecyjalist pa śnie doktar Majkł Breus časta rekamienduje pasprabavać paekśpierymientvać sa škarpetkami ŭ łožku param, jakija majuć «niesumiaščalnyja» zvyčki snu. Jon kaža, što partnioru, jaki mierźnie ŭnačy, varta pasprabavać nadziavać škarpetki, kab lepš vysypacca. Ale sam siabie doktar Breus adnosić da «haračych chłopcaŭ», tamu ŭłasnych paradaŭ nie prytrymlivajecca i śpić biez škarpetak.
Jość upeŭnienyja praciŭniki snu ŭ škarpetkach, jakija nie prymajuć «aškarpetkavanyja» nohi navat na inšych ludziach.
Niekatoryja ludzi znachodziać dla siabie pramiežkavyja varyjanty — jak 37-hadovaja Kortni Łahnier. Jana — zaŭziataja «adnaškarpetačnica». Kortni paraŭnoŭvaje źniaćcie škarpetki sa źniaćciem biusthaltara: dla jaje heta svojeasablivy rytuał pierachodu da stanu kamfortu i palohki naprykancy dnia. Kładučysia spać, jana skidaje adnu škarpetku, ale adnu pakidaje na nazie. Što praŭda, jaje muž nie ŭ zachapleńni ad škarpetak — ale čaho nie ścierpiš dziela siamiejnaha spakoju.
Mark Formelle vypuściła biełaruskamoŭnyja škarpetki dla kožnaha dnia tydnia
«Nikoli dvuch adnolkavych vyrabaŭ nie źviazała». Maładaja mama zarablaje na žyćcio pryhožym viazańniem
Historyja navahodniaha cudu: biełaruska vypadkova atrymała list ad dziaŭčynki ź dziciačaha domu — taja prasiła rodnuju mamu padaryć škarpetki
Kamientary