Sud znajšoŭ «prapahandu ŁHBT» u klipie apantanaha prychilnika vajny Mikałaja Baskava
Tahanski sud Maskvy aštrafavaŭ na 1 młn rasijskich rubloŭ (kala 11 tysiač dalaraŭ) telekanał «Točka TV» za pakaz klipa Mikałaja Baskava «Vandroŭnik», u jakim sud znajšoŭ «prapahandu ŁHBT». Takuju pastanovu «Viorstka» vyjaviła ŭ kartatecy suda.
Sudździa, razhladajučy pratakoł u dačynieńni da telekanała, zaznačyła, što klip «ujaŭlaje saboj składany pradukt sučasnaj muzyčnaj kultury». Ale «sukupnaść scen» dazvoliła vyznačyć, što
«adnosiny liryčnaha hieroja» ź inšym mužčynam «utrymlivajuć kamunikatyŭnyja prykmiety ramantyčnych mižasobasnych adnosin».
U pryvatnaści, na dumku sudździ, heta vykazana ŭ pozirkach piersanažaŭ i najaŭnaści reakcyj na «pacałunak liryčnaha hieroja z asobaj žanočaha połu».
«Varta adznačyć, što ŭzajemadziejańnie liryčnaha hieroja z asobaj žanočaha połu nosić pieravažna adchilena suziralny charaktar», — havorycca ŭ pratakole.
Akramia taho, sud vyjaviŭ u klipie «reŭnaść liryčnaha hieroja nie da asoby žanočaha połu, a da asoby mužčynskaha połu».
Taksama ŭ sudzie adznačyli, što dziejańnie ŭ klipie «adbyvajecca na fonie atmaśfiery hiedanizmu i raspusty». Heta «realizujecca pieravažna z dapamohaj nieadnarazovych scen nievierbalnaha pačućciovaha ŭzajemadziejańnia dźviuch asob adnaho bijałahičnaha połu (žanočaha) u seksualnym kantekście».
Mikałaj Baskaŭ nieadnarazova padtrymlivaŭ poŭnamaštabnaje ŭvarvańnie Rasii va Ukrainu, nazyvaŭ jaho «kancom hienacydu i pieraduchileńniem napadu na Rasiju». Taksama jon zajaŭlaŭ, što hatovy vypłačvać pa 1 młn rubloŭ kožnamu, chto padabje niamieckija tanki «Leapard». U kastryčniku hetaha hoda Uładzimir Pucin uznaharodziŭ śpievaka ordenam Pašany.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca3
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary