Na trasie ŭ Dziaržynskim rajonie MAZ urezaŭsia ŭ furu. Kiroŭca hruzavika pamior u balnicy
Avaryja adbyłasia kala vioski Zabałaćcie 11 śniežnia na trasie M-1. Sutyknulisia MAZ i fura. Kiroŭcu hruzavika zacisnuła ŭ kabinie, jaho dastavali vyratavalniki. Ale ŭ balnicy 45-hadovy žychar Dziaržynskaha rajona pamior.
Kiroŭca fury raspavioŭ Onliner, što jechaŭ z naparnikam na dvuch ciažkahruzach ź Bieraścia ŭ Kazań i Samaru.
— Pad Stoŭbcami zrabili prypynak, adpačyli. Potym praciahnuli šlach pa M1. Pieršyja kiłamietraŭ dvaccać daroha była dobraja, čystaja. Potym naparnik apiaredziŭ pierad saboj mašynu. Ja taksama pačaŭ rabić sproby jaje abjechać, ale daroha stanaviłasia ŭsio horš i horš — pałos užo nie było vidać, usio pad śnieham. Ruchaŭsia pa kalainie, pakinutaj naparnikam. U niejki momant uziaŭ krychu ŭleva, kab nie sutyknucca sa spadarožnaj lehkavuškaj, i mianie paniesła na raździalalnuju pałasu. Tam byli vialikija hurby, mašyna pačała vilać. Pakul sprabavaŭ vyraŭniacca, apynuŭsia ŭžo na sustrečcy. Kabinu razharnuła, ja spyniŭsia. Litaralna praź dźvie siekundy ŭ mianie ŭlacieŭ MAZ, choć u jaho była mahčymaść zjechać na abočynu. Dziakujučy tamu, što maja kabina apynułasia razhornuta, my nie sutyknulisia łob u łob.
U vyniku DTZ kiroŭca «MAZ» ad atrymanych traŭmaŭ pamior u balnicy.
Ciapier čytajuć
Łukašenka: Raman Pratasievič — daŭni supracoŭnik biełaruskaj raźviedki45
Kamientary