Viciabčuk abraziŭ u sudzie pamočnicu prakurora — i atrymaŭ dadatkovyja 2,5 hoda źniavoleńnia
Ahułam jon prasiadzić za kratami piać hadoŭ.
Sioleta ŭ sakaviku žychara Viciebska sudzili za pryčynieńnie mienš ciažkich cialesnych paškodžańniaŭ. Adnak na sudzie jon abraziŭ abvinavaŭcu — pamočnicu prakurora. I atrymaŭ novy kryminalny artykuł, paviedamlaje telehram-kanał «Viciebsk, ja hulaju».
Pres-słužba Viarchoŭnaha suda piša pra abstaviny novaha suda. U sakaviku ŭ sudzie Pieršamajskaha rajona abvinavačany Siarhiej Zajcaŭ vykazaŭ u adras pamočnicy prakurora Viciebska vykazvańnie, jakoje jana rascaniła jak «prynižajučaje aŭtarytet, honar i hodnaść asoby» pry vykanańni joj słužbovych abaviazkaŭ. Pa im Zajcavu prysudzili 2,5 hoda i štraf 50 bazavych (1850 rubloŭ).
A sumarna jamu dali 5 hadoŭ kałonii strohaha režymu i 2562,4 rubla štrafa.
Zajcaŭ užo maje 11 sudzimaściaŭ.
Kamientary