Akramia svaich karysnych jakaściaŭ, časnok maje i istotny niedachop — niepryjemny, rezki i mocny pach. Pry hetym pazbavicca jaho vielmi składana. Vučonyja rajać niekalki srodkaŭ, jakija dapamohuć vam i časnaku źjeści i ludziej pacham nie mučyć.
Niadaŭniaje daśledavańnie amierykanskich vučonych pakazała, što ź niepryjemnym pacham časnaku dobra spraŭlajecca johurt. Jany śćviardžajuć, što dastatkova paśla ŭžyvańnia hetaj harodniny zjeści łyžku johurtu.
Takuju ŭłaścivaść johurtu daśledčyki tłumačać najaŭnaściu ŭ im vady, tłušču i białku. U vyniku johurt na 99% źnižaje papadańnie ŭ pavietra najbolš niepryjemnych pachaŭ ad hetaj harodniny.
Pry hetym, jak pakazała daśledavańnie, tłušč i białok bolš efiektyŭnyja ŭ niejtralizacyi siarnistych złučeńniaŭ, jakija i nadajuć syromu i pryhatavanamu časnaku charakterny pach, čym vada. A johurt z bolš vysokim utrymańniem tłušču prademanstravaŭ lepšy efiekt, čym johurt ź jaho nizkim utrymańniem.
Vučonyja rajać pry vybary johurtu dla niejtralizacyi časnočnaha pachu addać pieravahu hrečaskamu, jaki akramia vysokaha ŭtrymańnia tłušču, maje bolš białku.
U lubym vypadku, što b vy ni vybrali, užyvać johurt lepš adrazu paśla časnaku ci razam ź im.
Raniejšyja daśledavańni prademanstravali, što z časnočnym pacham dobra spraŭlajecca małako. Jak i ŭ vypadku ź johurtam, efiektyŭnaść małaka zaležyć ad jaho tłustaści. Dla bolšaha niejtralizujučaha efiektu rajać pić małako padčas užyvańnia časnaku.
Siarod inšych praduktaŭ, jakija mohuć dapamahčy, ale nie tak efiektyŭna, jak małočnyja pradukty, śpiecyjalisty nazyvajuć listy miaty, piatruški ci limonny sok.
Inšyja daśledavańni pakazali, što značna źnizić niepryjemny pach z rotu paśla ŭžyvańnia časnaku dapamohuć zialonyja jabłyki i hrušy. Dobry dezadarujučy efiekt akazvajuć taksama bazilik, čarnaśliŭ, bakłažany i hryby.
Čytajcie jašče:
Kińcie časnyk va ŭnitaz na noč. Efiekt vas ździvić
Homielskaja žurnalistka pryniesła ŭ sud časnok — nie dapamahło
Pach cieła — jak adbitak palcaŭ. Chutka moža nadyści čas, kali pa pachu cieła pra nas možna budzie sčytać usio, u tym liku chvaroby
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary