U BDU prajšło masavaje ŭstupleńnie ŭ «Biełuju Ruś» na čale z rektaram
U BDU 14 listapada pryniali ŭ partyju «Biełaja Ruś» novych členaŭ, u tym liku rektara.
«Asnoŭnaj zadačaj partyjnaha budaŭnictva zjaŭlajecca abjadnańnie pracoŭnych kalektyvaŭ», — zajaviŭ na mierapryjemstvie rektar Biełdziaržuniviersiteta Andrej Karol.
Taksama ŭ hałoŭnuju praŭładnuju partyju ŭstupili jašče 10 supracoŭnikaŭ i student BDU. «Siarod ich rektar, prarektary, dekany, namdekana, vykładčyki i supracoŭniki słužbaŭ», — paviedamlaje sajt univiersiteta.
Na ŭručeńnie členskich biletaŭ pryjechaŭ staršynia partyi «Biełaja Ruś» Aleh Ramanaŭ.
«Biełaruskaja partyja «Biełaja Ruś» pačynaje ŭsprymacca i pazicyjanavacca jak «razumnaja» partyja. Partyja dobra pradstaŭlena ŭ akademičnym asiarodździ: siarod nas šmat vykładčykaŭ biełaruskich VNU, supracoŭnikaŭ Akademii navuk», — raskazaŭ partyjny kiraŭnik Aleh Ramanaŭ.
Kamientary