U milicyi patłumačyli, kali pakarajuć za intymnyja fota ŭ pierapiscy, a kali nie
Ci daviadziecca adkazvać za raspaŭsiudžvańnie parnahrafii, kali kamuści ŭ asabistaj pierapiscy adpraviŭ pikantnyja zdymki, a potym byŭ vymušany źviarnucca ŭ milicyju, bo surazmoŭca pačaŭ patrabavać hrošaj i pahražać vykłaści zdymki na ŭsieahulny ahlad?
Jak piša «Naš kraj», ludzi, jakija stanoviacca abjektami šantažu, aścierahajucca źviartacca ŭ milicyju, kab abaranicca ad vymahalnikaŭ. Bo bajacca, što daviadziecca samim adkazvać pa zakonie za raspaŭsiudžvańnie parnahrafii.
Jak paviedamili vydańniu ŭ Baranavickim HAUS, pakul zdymki buduć zastavacca tolki ŭ asabistaj pierapiscy, heta ničym nie pahražaje tamu, chto ich adpraviŭ.
Kali ž jany sapraŭdy stanuć dastupnymi nieabmiežavanaj kolkaści internet-karystalnikaŭ, a śpiecyjalnaja ekśpiertyza paćvierdzić ich parnahrafičny charaktar, adkazać daviadziecca.
Za vyrab i raspaŭsiudžvańnie parnahrafii praduhledžana kryminalnaja adkaznaść až da pazbaŭleńnia voli na termin da 4 hadoŭ.
Niadaŭna ŭ kanale telehram-kanale kiraŭnika Libieralna-demakratyčnaj partyi Aleha Hajdukieviča zjaviŭsia dykpik, ale nijakaha pakarańnia za heta staršynia kišennaj partyi nie panios.
Kamientary