«Možacie zapisacca ŭ čarhu». Z aptek źnikali leki, nieabchodnyja ankachvorym
Ź biełaruskich aptek źnikaŭ «Tamaksifien-Ebievie» — heta preparat, jaki pryznačajuć pry raku małočnaj załozy. Z kanca kastryčnika jaho nie mahli dastać u Minsku. Tolki ŭčora ŭviečary jon narešcie znoŭ źjaviŭsia.
Adna z čytačak «Našaj Nivy» paviedamiła, što na minułym tydni nie zmahła atrymać «Tamaksifien-Ebievie» ŭ aptecy pa biaspłatnym recepcie (dadzieny preparat pacyjentki zvyčajna atrymlivajuć biaspłatna). Joj paraili pašukać preparat u inšych aptekach krainy — i kali atrymajecca znajści, to abmianiać biaspłatny recept na płatny i kupić preparat za svoj košt.
«Ja była hatovaja na heta, tamu što moj zapas «Tamaksifienu-Ebievie» pavinien byŭ skončycca na praciahu tydnia. Z dapamohaj servisu tabletka.by ja znajšła leki ŭ niekalkich aptekach u Homieli. Ale kali stała telefanavać tudy, to pačuła, što jechać asablivaha sensu niama, bo jany mohuć adkłaści tabletki maksimum na dźvie hadziny, a vidavočna, što ja nie paśpieju sa stalicy tak chutka pryjechać. Paraili źviarnucca ŭ «Biełfarmacyju».
Žančyna patelefanavała tudy i pačuła prapanovu pajści ŭ najbližejšuju da doma apteku i tam zapisacca ŭ śpis tych, chto čakaje źjaŭleńnia «Tamaksifienu». Adkazać, kali ž preparat znoŭ trapić u apteki, žančynie nie zmahli.
Karystalnicy anłajn-servisu tabletka.by taksama pytalisia ŭ kamientarach, čamu hetyja leki adsutničajuć u prodažy. U apošnim adkazie paznačałasia, što prablema ŭ razryvie ŭ pastaŭkach.
Heta nie pieršy raz, kali ŭ biełarusak jość prablemy z dostupam da «Tamaksifienu». U krasaviku 2021 hoda Sputnik.by pisaŭ pra toje, što šerah preparataŭ, jakija vykarystoŭvajucca pry lačeńni ankałohii, niemahčyma znajści ŭ biełaruskich aptekach, a niekatorych najmieńniaŭ zastałosia vielmi mała («Tamaksifien» pradavaŭsia tolki ŭ 12 aptekach pa krainie, zbolšaha ŭ nievialikich haradach). Minzdaroŭja tady nie dało kamientar pa situacyi. Treba adznačyć, što litaralna za dva tydni da hetaha tahačasny namieśnik ministra achovy zdaroŭja Dźmitryj Čaradničenka nazvaŭ čutki pra niedachop lekaŭ dla lačeńnia ankałohii niedakładnymi. Čaradničenka kazaŭ, što ŭ krainie jość trochmiesiačny zapas ankałahičnych lekaŭ.
Jašče adna čytačka «Našaj Nivy», jakaja prymaje «Tamaksifien» z 2020 hoda, adznačaje: jana niekalki razoŭ sutykałasia z tym, što nie moža atrymać leki pa biaspłatnym recepcie, ale ŭ hetych vypadkach zaŭsiody była mahčymaść nabyć preparat za ŭłasnyja hrošy. Jana kaža, što paśla pačatku poŭnamaštabnaj vajny va Ukrainie pytańni ź lekami ad ankałohii stali ŭźnikać čaściej. Žančyna miarkuje, što heta moža być źviazana z tym, što raniej u Biełaruś pastaŭlali šmat «Tamaksifienu» ŭkrainskaj vytvorčaści (im raniej zabiaśpiečvali pacyjentak na biudžetnaj asnovie).
«Z tym, što «Tamaksifien» nielha znajści ŭvohule nidzie ŭ krainie, ja sutyknułasia ŭpieršyniu».
«U žančyn, jakija prymajuć «Tamaksifien-Ebievie», vierahodnaść recydyvu ankałohii źnižajecca na 50%, — rastłumačyŭ «Našaj Nivie» adzin ź lekaraŭ-ankołahaŭ. — A vierahodnaść pamierci ad raku małočnaj załozy na praciahu nastupnych 15 hadoŭ paśla pačatku pryjomu preparata źnižajecca na 30%».
Jon paćvierdziŭ, što ŭ Biełarusi byvajuć prablemy z najaŭnaściu hetych lekaŭ. Na pytańnie, ci možna rabić pierapynak u pryjomie preparata, jon adkazaŭ, što takoje rašeńnie moža prymać tolki lečačy doktar, aceńvajučy stan pacyjentki.
U sieradu ŭviečary «Tamaksifien-Ebievie» aŭstryjskaj vytvorčaści narešcie źjaviŭsia ŭ 58 aptekach Biełarusi.
Jak źmianilisia ceny na leki za hod na prykładzie adnoj apteki
«Heta katastrofa dla kankretnaha čałavieka, ale nie dla sistemy». Pacyjenty i doktar raspaviali pra niedachop lekaŭ u špitalach
«Škaduju, što jana nie paśpieła ŭziać jaje ŭ ruki». Pradali 15000 ekzemplaraŭ knihi Nadziei Mialeški, jakaja zmahałasia z ankałohijaj
Kamientary