«Z-za alerhičnych reakcyj traplała ŭ sančastku», Kaci Andrejevaj spoŭniłasia 30 hadoŭ
Kaciaryna nie vyjšła z kałonii paśla dvuch hadoŭ źniavoleńnia. Adbyŭsia novy sud, i joj dali 8 hadoŭ i try miesiacy kałonii. Pra žurnalistku piša «Radyjo Svaboda».
2 listapada spaŭniajecca 30 hod žurnalistcy «Biełsata» i palitźniavolenaj Kaciarynie Andrejevaj (Bachvałavaj), jakuju režym Łukašenki pakaraŭ za strym z «płoščy Pieramien» 15 listapada 2020 hoda.
U lutym 2021 hoda Andrejevaj prysudzili 2 hady źniavoleńnia pavodle 342 artykuła «za ŭdzieł u dziejańniach, jakija hruba parušajuć hramadski paradak», a ŭ 2022 hodzie, užo padčas adbyćcia pieršaha terminu, znoŭ — 8 hadoŭ i 3 miesiacy pavodle artykuła 356 ab «zdradzie dziaržavie». Sutnaść abvinavačvańniaŭ nieviadomaja dahetul.
Užo bolš za dva z pałovaj hady Kaciarynu Andrejevu trymajuć u žanočaj kałonii № 4 ŭ Homieli. Viadoma, što palitźniavolenaja pracuje na šviejnaj vytvorčaści, u volny čas jana čytaje i piša vieršy.
Stała viadoma, što napiaredadni dnia narodzinaŭ u jaje abvastryłasia situacyja sa zdaroŭjem.
«Kaciaryna ŭsio čaściej pakutuje na alerhiju. Sioleta niekalki razoŭ u kałonii farbavali pamiaškańni, a na farbu ŭ jaje rezkaja alerhičnaja reakcyja — stanaviłasia ciažka dychać, pačynaŭsia kašal. Užo niekalki razoŭ u vyniku takich alerhičnych prystupaŭ jana traplała ŭ sančastku. Niadaŭna prystup paŭtaryŭsia. Dobra, što lekary staviacca da svaich abaviazkaŭ adkazna i jana atrymała ŭsiu nieabchodnuju dapamohu. Ciapier joj lahčej», — raspaviała Svabodzie krynica, znajomaja ź situacyjaj vakoł Kaciaryny Andrejevaj.
Vieršy Kaciaryna Andrejeva piša pa-biełarusku i pa-rasiejsku. Niekatoryja ź ich u svaich sacsietkach publikuje jejny muž Ihar Iljaš. Voś radki ź vierša biez nazvy, jakija, na jahonuju dumku, adlustroŭvajuć ciapierašni dośvied Kaciaryny.
A vo mrakie kolučije źviozdy, v stroju po piať.
Sried́ vysokich śniehov kružat i kružat, skolzia.
Ich nielzia ni ostanoviť, ni obniať -
Vpročiem, ono i k łučšiemu, čto nielzia.
Niekatoryja vieršy Kaciaryny Andrejevaj u miežach prajekta FreeAllWords byli pierakładzieny na roznyja jeŭrapiejskija movy. «Adnak u kałonii vielmi šmat pracy, tamu znachodzić čas na vieršy atrymlivajecca redka», — paviedamlała pra niedachop času dla tvorčaści aŭtar vieršaŭ.
«Naturalna, nichto nie moh padumać, što joj pryjdziecca sustrakać 30-hodździe za kratami. Usim vielmi ciažka z hetym źmirycca. Ale miarkujem, Kaciaryna ni pra što nie škaduje», — kaža krynica pra Kaciarynu Andrejevu.
Palitźniavolenaj dazvolenyja spatkańni i pieradačy. Znajomyja Kaciaryny Andrejevaj miarkujuć, što da ich vinšavańniaŭ z dniom narodzinaŭ dałučacca siabroŭki, ź jakimi joj davodzicca razam pakutavać u niavoli.
«Bolš za ŭsio jana lubić, kali dorać emocyi, a kankretnyja rečy — heta ŭžo druhasnaje. Kali b tak zdaryłasia, što jana raptam vyjšła na volu pierad svaim 30-hodździem, to, mierkavana, adznačała b hety dzień u pryhožym padarožžy, na bierazie mora. I rodnyja byli b pobač ź joj», — kaža krynica pra palitźniavolenuju Kaciarynu Andrejevu i nahadvaje jaje słovy, pieradadzienyja raniej z kałonii: «Treba ścisnuć zuby, źbierahčy siabie i dačakacca vyzvaleńnia».
«Zdaroŭje lepšym nie stanovicca: zrok, słych, pačali čaplacca prastudy». Jakija naviny z kałonii ad žurnalistki Kaciaryny Andrejevaj
«Pazł skłaŭsia». Ihar Iljaš prakamientavaŭ hipotezu, jakaja pralivaje śviatło na druhi prysud Kaciarynie Andrejevaj
Sprava ab «zdradzie radzimy» hamielčuka, jaki pryznaŭsia ŭ pracy na KDB, pralivaje śviatło na novy prysud Kaciarynie Andrejevaj
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary