CACHAŁ praciahvaje nanosić maštabnyja ŭdary pa siektary Haza.
«Kožny ŭdzielnik CHAMAS — miarćviak», — zajaviŭ premjer Izraila Bińjamin Nietańjachu.
Hrupoŭka CHAMAS ździejśniła «ašałamlalnaje złačynstva» i naniesła vielizarny bol izrailcianam, kožny žychar krainy viedaje siamju, dzie kaho-niebudź zabili padčas napadu, zajaviŭ Nietańjachu.
«My bačyli žyvioł. My sutyknulisia z varvarami. My ŭbačyli žorstkaha voraha. Vorah horšy za IDIŁ (Isłamskuju dziaržavu). My bačyli źviazanych chłopčykaŭ i dziaŭčynak z prastrelenymi hałovami. Mužčyny i žančyny zharali žyŭcom. Maładych žančyn hvałtavali i zabivali. Bajcy abiezhałoŭleny», — cytuje Nietańjachu RBK.
«My źniščym z tvaru ziamli tak zvany CHAMAS, IDIŁ ź siektara Haza. Jon pierastanie isnavać», — paabiacaŭ u svaju čarhu izrailski ministr abarony Jaaŭ Hałant.
Armija abarony Izraila (CACHAŁ) praciahvaje nanosić maštabnyja ŭdary pa abjektach hrupoŭki CHAMAS u siektary Haza, havorycca ŭ paviedamleńni CACHAŁ.
Adnačasova paleścinskaje Ministerstva achovy zdaroŭja paviedamiła, što kolkaść zahinułych u siektary vyrasła da 1200 čałaviek — heta adbyłosia ŭ tym liku praz uzmacnieńnie izrailskich bambardzirovak. Kolkaść paranienych vyrasła da 5600 čałaviek.
Upraŭleńnie AAN pa kaardynacyi humanitarnych pytańniaŭ paviedamiła, što ataki CACHAŁ na siektar Hazy źniščyli abo zrabili nieprydatnymi dla žyćcia 2540 adzinak žylla. Jašče 22 850 adzinak žylla atrymali siaredni ci niaznačny ŭron, piša newsru.co.il.
Bolš za 338 tysiač čałaviek byli vymušanyja pakinuć svaje damy ŭ siektary Haza.
Kanalizacyjnyja zbudavańni, jakija absłuhoŭvajuć bolš za miljon čałaviek, surjozna paškodžany, u vyniku čaho na vulicach jość «ćviordyja adchody», što parušaje sanitarnyja normy i niasie saboj pahrozu dla zdaroŭja nasielnictva.
U Izraili ŭ bai z CHAMAS zahinuła 25-hadovaja ŭradženka Biełarusi. Jana pracavała ŭ palicyi
Na fiestyvali ŭ Izraili zahinuła dziaŭčyna z Brazilii. Jaje rodnyja bajalisia, što na pachavańni budzie mała ludziej, i napisali pra heta ŭ sietkach. A voś jak było
Pucin ahučyŭ pazicyju Rasii nakont situacyi ŭ Izraili
Adzinaja elektrastancyja siektara Haza spyniła pracu
Kamientary