U Navapołacku za čatyry padpiski ŭ fejsbuku na 15 sutak aryštavali fielčara
14 vieraśnia sud Navapołacka asudziŭ da 15 sutak fielčara-łabaranta mikrabijałahičnaj łabaratoryi Navapołackaha haradskoha centra hihijeny i epidemijałohii Hienadzia Vaźmiciela.
Fota: Radyjo Svaboda
Jak stała viadoma «Viciebskaj viaśnie», jaho abvinavacili ŭ «zachoŭvańni z metaj raspaŭsiudu ekstremisckich materyjałaŭ» pavodle č. 2 art. 19.11 KaAP. Takoje rašeńnie vyniesła sudździa Zinaida Bałabołava.
Zhodna z pratakołam, Hienadź u sacyjalnaj sietcy Facebook u raździele «Padpiski» zachoŭvaŭ infarmacyju supołak ekstremisckaha charaktaru: «Čaj z malinavym vareńniem», «charter97.org», Bajsoła i taktyčnaj hrupy «Biełaruś».
Jany ŭsie pryznanyja «ekstremisckimi materyjałami».
Kamientary