Fizičnym asobam zabaraniajuć mieć drony, arhanizacyjam i IP — abmiažoŭvajuć
Alaksandr Łukašenka 25 vieraśnia padpisaŭ ukaz №297 «Ab dziaržaŭnym uliku i ekspłuatacyi hramadzianskich bieśpiłotnych latalnych aparataŭ». Jon praduhledžvaje zabaronu dla fizičnych asob na ŭvoz, zachoŭvańnie, abarot, ekspłuatacyju i vyrab bieśpiłotnikaŭ.
Ukazam praduhledžana, što ŭvoz na terytoryju Biełarusi, zachoŭvańnie, abarot, ekspłuatacyja i vyrab hramadzianskich BŁA dazvolenyja tolki arhanizacyjam i indyvidualnym pradprymalnikam «dla ažyćciaŭleńnia ich pradprymalnickaj i prafiesijnaj dziejnaści z zachavańniem patrabavańniaŭ, ustanoŭlenych hetym ukazam».
Dla hetaha arhanizacyjam i pradprymalnikam nieabchodna atrymać adpaviedny dazvoł u Departamiencie avijacyi Ministerstva transpartu i kamunikacyj.
Ministerstva budzie arhanizoŭvać ulik takich bieśpiłotnikaŭ. Dla hetaha praduhledžana stvareńnie aŭtamatyzavanaj infarmacyjnaj sistemy dziaržaŭnaha ŭliku hramadzianskich BŁA, jakija naležać jurydyčnym asobam i (abo) IP.
Fizičnym asobam uvoz na terytoryju Biełarusi, zachoŭvańnie, abarot, ekspłuatacyja i vyrab hramadzianskich BŁA zabaraniajecca.
U častcy ŭvozu, ekspłuatacyi i vyrabu BŁA fizičnymi asobami ŭkaz ustupaje ŭ siłu paśla jaho aficyjnaha apublikavańnia, a ŭ častcy zachoŭvańnia i abarotu — praz šeść miesiacaŭ.
Na praciahu šaści miesiacaŭ z momantu aficyjnaha apublikavańnia ŭkaza fizičnyja asoby mohuć svaje drony pradać arhanizacyjam abo indyvidualnym pradprymalnikam ci pieradać ich na zachoŭvańnie va «ŭpaŭnavažanuju arhanizacyju, vyznačanuju ŭradam».
Nahadajem, što sioleta z 4 červienia praviły karystańnia dronami ŭžo rabili bolš strohimi. Pavodle ich, bieśpiłotniki treba było rehistravać i ŭzhadniać ich paloty.
BPŁA stali važnym elemientam vajny va Ukrainie, niepasrednym udzielnikam jakoj stała Biełaruś. U 2023 hodzie mienavita bieśpiłotnik paškodziŭ zvyškaštoŭny rasijski samalot A-50 u Mačuliščach.
U Asipovickim rajonie apałčency vučylisia adbivać uzbrojeny napad na sielskuju kramu, a terabarona — spyniać DRH
U Biełarusi prapanujuć zabaranić ekspłuatacyju BPŁA biez pastanoŭki na dziaržaŭny ŭlik
Minabarony Biełarusi vydzieliła rekordnyja 3,1 młn rubloŭ na zakup bieśpiłotnikaŭ «Supierkam». Takija ž madeli Rasieja vykarystoŭvała va Ukrainie
Kamientary