Murał pad nazvaj «Niabiesnyja biehi» adkryli ŭ miežach marafonu, jaki praŭładnyja hramadskija struktury pravodziać da Dnia narodnaha adzinstva 17 vieraśnia.
«Hety art-abjekt byŭ stvorany pa matyvach knihi «Niabiesnyja biehi», aŭtar jakoj — naš znakamity ziamlak, mastak, piśmieńnik Jazep Drazdovič. Darečy kažučy, sioleta jamu spaŭniajecca 135 hadoŭ», — piša rajonnaja hazieta «Vieśnik Hłyboččyny».
Admietnaj rysaj Jazepa Drazdoviča było zachapleńnie kosmasam. U 1931 hodzie jon vydaŭ u Vilni na biełaruskaj movie knihu pa astranomii «Niabiesnyja biehi», u jakoj vykłaŭ šerah svaich teoryj, u pryvatnaści, pra pachodžańnie płaniet Soniečnaj sistemy. Vydańnie ŭpryhožyli ŭłasnyja rysunki aŭtara. U 1931—1933 hady Drazdovič praciahnuŭ temu kosmasu tryma sieryjami hrafičnych malunkaŭ i žyvapisnych pałotnaŭ — «Žyćcio na Marsie», «Žyćcio na Saturnie» i «Žyćcio na Miesiacy».
Murał na centralnaj płoščy Hłubokaha kala kramy «Jeŭraopt» stvaryli vykładčyki i vučni miascovaj mastackaj škoły, jakaja nosić imia Jazepa Drazdoviča, — heta zornaje nieba z płanietami Soniečnaj sistemy. Adkryćcio murała pieratvaryłasia ŭ svojeasablivy pierformans: kožny achvotny moh damalavać «na niebie» ŭłasnuju zorku.
Zvarot da spadčyny znakamitaha ziemlaka — budučy mastak naradziŭsia ŭ 1888 hodzie ŭ vioscy Puńki na Hłyboččynie — vyhladaje vielmi nietypova ŭ paraŭnańni ź inšymi murałami na Viciebščynie: u Šumilinie, Połacku, Rasonach, Aśviei i Miorach.
Pieršym byŭ adčynieny murał u Šumilinie. Nazva malunka — «Serca ŭ dałoniach».
Nastupnym adkryli murał «Abšar paloŭ» u Połacku. Malunak źjaviŭsia na žalezabietonnaj kanstrukcyi transpartnaha mosta (dakładniej, pad mostam) u rajonie vulicy Kasmanaŭtaŭ. Aŭtarka eskiza — navučenka Połackaha ekanamičnaha kaledža Jana Siadłoŭskaja, jana ž i namalavała murał.
U Rasonach murał z vasilkami, kałasami i hałubami źjaviŭsia na ścianie transfarmatarnaj padstancyi. Jaho stvaryła piedahoh Rasonskaha centra dziaciej i moładzi Nastaśsia Niamyćkava.
Dziciačy malunak pieranieśli na ścianu ŭ Aśviei. Kancert padčas adkryćcia dali miascovyja školniki.
U Miorach prymityŭny malunak źjaviŭsia na ścianie byłoha kinateatra: hołub, kałasy i čyrvona-zialonaje serca.
U Loźnie prosty malunak raźmiaścili na transfarmatarnaj padstancyi.
Ciapier čytajuć
Misiju demakratyčnych siłaŭ Biełarusi va Ukrainie ŭznačaliła Volha Zazulinskaja7
Misiju demakratyčnych siłaŭ Biełarusi va Ukrainie ŭznačaliła Volha Zazulinskaja
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA66
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA6
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary