Maci adchilenaha praz pacałunak staršyni Fiederacyi futboła Ispanii začyniłasia ŭ carkvie i abviaściła haładoŭku
Maci Łuisa Rubijalesa razam ź siastroj zastałasia ŭ carkvie paśla adychodu śviatara i zamknułasia tam. Pavodle jaje słoŭ, haładoŭka budzie doŭžycca «dzień i noč», pakul nie pierastanuć ckavać jaje syna.
Maci Łuisa Rubijalesa abviaściła haładoŭku z-za ckavańnia jaje syna paśla pacałunka paśla finału čempijanatu śvietu pa futbole siarod žančyn, jaki vyjhrała zbornaja Ispanii, piša Sports.ru.
Raniej kiraŭnik Karaleŭskaj fiederacyi futboła Ispanii (RFEF) pacałavaŭ u vusny futbalistku zbornaj Ispanii Dženifier Ermosa padčas cyrymonii ŭznaharodžańnia paśla pieramohi ispanak u finale čempijanatu śvietu. Rubijales admoviŭsia pakidać svaju pasadu, paśla čaho FIFA adchiliła jaho ad futboła na 90 dzion.
Anchieles Biechar siońnia ranicaj zamknułasia ŭ carkvie ŭ horadzie Matryl i abviaściła haładoŭku da taho času, pakul nie budzie znojdziena rašeńnie prablemy «kryvavaha i biesčałaviečnaha palavańnia» na jaje syna.
Maci Rubijalesa razam ź siastroj zastałasia ŭ carkvie paśla adychodu śviatara i zamknułasia tam. Pavodle jaje słoŭ, haładoŭka budzie doŭžycca «dzień i noč».
Žančyna zaklikała futbalistku «skazać praŭdu» i «prytrymlivacca toj viersii, jakaja była ŭ jaje ŭ pačatku padziej». Na dumku Biechar, seksualnaha hvałtu ŭ hetym vypadku nie było, bo «jość zhoda abodvuch bakoŭ, jak pakazana na fota».
«Jany robiać z maim synam toje, čaho jon nie zasłuhoŭvaje. Čamu jany ź im žorstkija? Što staić za ŭsioj hetaj historyjaj? Moj syn nie zdolny pryčynić kamu-niebudź škodu», — zajaviła maci Rubijalesa.
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m2
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Pociełovał by on tak moju žienu ili dievušku, prišłoś by jemu ciełovalnik zaliť stroitielnoj pienoj.