Raskazvajučy pra svaje ŭzajemaadnosiny ź Jaŭhienam Pryhožynym i harantyi biaśpieki dla jaho, Łukašenka siarod inšaha raskazaŭ, jakim składanym šlacham jamu davodzicca źviazvacca z Pucinym.
Padčas miaciažu Jaŭhiena Pryhožyna i pieramoŭ ź im, pavodle Łukašenki, abmiarkoŭvalisia tolki dva pytańni: spynieńnie kryminalnych spraŭ u dačynieńni da vahnieraŭcaŭ i ich vyvad u Biełaruś,
«Heta ja prapanavaŭ. Kažu: «Kali vy čahości baiciesia, ja budu razmaŭlać z prezidentam Pucinym, my vas vyviedziem u Biełaruś. My vam harantujem u Biełarusi poŭnuju biaśpieku». I treba addać naležnaje, Ženia Pryhožyn nikoli nie prasiŭ mianie asobna nadać uvahu pytańniam biaśpieki», — padkreśliŭ Łukašenka.
A paśla raskazaŭ pra toje, jakim čynam jon padymaŭ pryhožynskija prablemy pierad Pucinym, z čaho moža zrazumieć, što pramoha vychadu na rasijskaha pravadyra ŭ Łukašenki niama:
«Ja vam prosta pryviadu jašče adzin prykład. Apošni raz, kali my lotali ŭ Emiraty, da mianie patrapiła vielmi surjoznaja infarmacyja ad krynic, hłybiej jakich nie byvaje, ab zamachu na Jaŭhiena Pryhožyna. Na praciahu dźviuch hadzin (ja daručyŭ) znajšli ambasadara Rasii ŭ Emiratach, vyklikali jaho da mianie. Ja pieradaŭ jamu šyfrahramu ŭ Kreml Pucinu i Bortnikavu ab padrychtoŭcy zamachu na Pryhožyna».
Čytajcie taksama:
Łukašenka: Ja i nie pavinien harantavać biaśpieku Pryhožyna. A vahnieraŭcy «nikudy nie biahuć»
Voś čaho vartyja harantyi biaśpieki, dadzienyja Łukašenkam — Cichanoŭskaja
-
Chedłajnieram kancerta ŭ Minsku ŭ Dzień Pieramohi stanie Aleh Hazmanaŭ
-
Palitviaźnia Uładzimira Knihu treci raz buduć sudzić za «złosnaje niepadparadkavańnie» ŭ kałonii
-
Sieviaryniec: My nie pavinny być ružovymi poni i kazać, što my budziem hładzić pa hałavie tych samych kadebistaŭ albo śpiecnazaŭcaŭ, jakija bjuć ludziej
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca10
Kamientary