Chto jon — Alaksiej Lachnovič, novy ministr transpartu, papiarednik jakoha tajamniča zahinuŭ
Pasadu ministra Alaksiej Lachnovič atrymaŭ paśla śmierci svajho papiarednika, 46-hadovaha Alaksieja Aŭramienki, śmierć jakoha achutanaja tajamnicaj.
Da apošniaha pryznačeńnia, z 2019 hoda, Alaksiej Lachnovič pracavaŭ pieršym namieśnikam ministra transpartu i kamunikacyj.
Čytajcie taksama: Łukašenka dvojčy nazvaŭ niadaŭna pamierłaha ministra transpartu Aŭramienku «zahinułym»
Naradziŭsia Alaksiej Lachnovič u 1977 hodzie ŭ vioscy Hančary Vałožynskaha rajona Minskaj vobłaści. Skončyŭ BDU i Akademiju kiravańnia pry prezidencie Respubliki Biełaruś.
Pracoŭny šlach pačynaŭ na pasadzie ekanamista płanavaha adździeła aŭtobusnaha parka №7 h. Minska. Adnak vielmi chutka byŭ zaprošany na kirujučyja pasady: ad 2002 da 2008 hoda pracavaŭ u Ministerstvie transpartu i kamunikacyj hałoŭnym śpiecyjalistam i načalnikam adździeła pasažyrskich pieravozak upraŭleńnia aŭtatranspartu.
Z 2008 hoda pracavaŭ va ŭpraŭleńni transpartu i suviazi Aparata Savieta Ministraŭ, i praz 5 hadoŭ staŭ kiraŭnikom hetaha ŭpraŭleńnia.
Z 2016 hoda jaho pieraviali ŭ ministerstva transpartu i kamunikacyj — spačatku na pasadu namieśnika ministra, potym pajšoŭ na padvyšeńnie da pieršaha namieśnika.
Padčas pryznačeńnia na pasadu ministra Alaksandr Łukašenka nazvaŭ Alaksieja Lachnoviča «padrychtavanym čałaviekam».
Pra jahonuju siamju aficyjnyja krynicy ničoha nie paviedamlajuć. Z asabistaha viadoma, što Lachnovič uvachodzić u apiakunskuju radu Biełaruskaj fiederacyi sučasnaha piaciborja.
Ciapier čytajuć
Babaryka paśla sustrečy z Pratasievičam trapiŭ u ŠIZA4
Kamientary