Ministr stratehičnaj pramysłovaści Ukrainy Alaksandr Kamyšyn paviedamiŭ, što va Ukrainie pačałosia budaŭnictva zavoda pa vytvorčaści bieśpiłotnikaŭ «Bajraktar». Pra heta jon skazaŭ u efiry telemarafonu, jak piša «Hromad́skie».
«Havorka idzie pra vytvorčaść na terytoryi Ukrainy. Heta toj samy bujny zavod «Bajraktaraŭ», pra jaki vialisia pieramovy niekalki hadoŭ tamu. Zavod pačali budavać na ziamli, a nie na miemarandumach. My pierajšli da realnych krokaŭ», — adznačyŭ ministr.
Kijeŭ i Ankara padpisali pahadnieńnie, jakoje praduhledžvaje stvareńnie va Ukrainie zavoda pa vytvorčaści bieśpiłotnikaŭ «Bajraktar», jašče ŭ lutym 2022 hoda. U žniŭni minułaha hoda stała viadoma, što kampanija Baykar užo nabyła va Ukrainie ŭčastak ziamli dla budaŭnictva zavoda pa vytvorčaści bieśpiłotnikaŭ.
Tureckaja kampanija Baykar maje namier pabudavać va Ukrainie nie tolki zavod pa vytvorčaści ŭdarnych bieśpiłotnikaŭ Bayraktar TB2, ale i stvaryć va Ukrainie Bayraktar Akıncı i Bayraktar Kizilelma, novy bieśpiłotny źniščalnik. Pra heta ŭ žniŭni minułaha hoda paviedamiŭ hienieralny dyrektar kampanii Chałuk Bajraktar.
Ciapier čytajuć
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2121
Kamientary