Hramadskija dziejačy zaklikali biełarusaŭ vyviesić nacyjanalnyja ściahi ŭ Vilni na čas samitu NATO
«U hetyja dni my majem mahčymaść nahadać pra siabie znoŭ, pra tuju niespraviadlivaść, jakaja adbyvajecca z nami, pra represii i katavańni, pra prymusovuju departacyju sotniaŭ tysiač biełarusaŭ, jakija nie majuć mahčymaści viarnucca dadomu», — źviartajecca hrupa biełaruskich hramadskich dziejačaŭ Litvy.
Biełarusy Litvy zaklikajuć raźviešvać nacyjanalnyja ściahi na voknach i bałkonach padčas samitu NATO, što projdzie ŭ stalicy Litvy 11-12 lipienia.
11-12 lipienia ŭ Vilni adbudziecca samit NATO, na jaki źjeducca lidary Aljansu, palityki, tysiačy žurnalistaŭ z usiaho śvietu. Padčas samitu buduć zakranutyja taksama temy Biełarusi ŭ kantekście raźmiaščeńnia jadziernaj zbroi i roli našaj krainy ŭ ahulnaj biaśpiecy.
«U hetyja dni my majem mahčymaść nahadać pra siabie znoŭ, pra tuju niespraviadlivaść, jakaja adbyvajecca z nami, pra represii i katavańni, pra toj tatalny cisk, pad jakim žyvuć biełarusy ŭnutry Biełarusi, pra prymusovuju departacyju sotniaŭ tysiač biełarusaŭ, jakija nie majuć mahčymaści viarnucca dadomu.
I taksama pra toje, što my nie zdalisia, pra toje, što my nie źmirylisia ź niespraviadlivaściu, što my suprać vajny va Ukrainie i taho ŭdziełu, jaki suprać našaj voli biare ŭ joj naša kraina.
Biełarusy ŭ Biełarusi vymušanyja maŭčać, ale my možam pramaŭlać za nas usich.
My majem naš hierb i naš ściah. Davajcie vyviesim ściahi sa svaich voknaŭ i bałkonaŭ u Vilni, Koŭnie i inšych haradach. Vyviešvajcie ściahi ŭ dastupnych hramadskich miescach: na mastach i parapietach, na voknach i dźviarach biełaruskich kaviarniaŭ i ofisaŭ arhanizacyj.
My nahadajem zachodnim palitykam pra svaju prahu da svabody, svaju prynaležnaść da jeŭrapiejskich narodaŭ i pra naša prava być pačutymi», — havorycca ŭ zvarocie aktyvu biełarusaŭ Litvy.
Ściahi možna zdabyć tut:
• A2 Print&Photo — ad biełarusaŭ biełarusam
• @high_quality16, šyje samastojna
-
U Bierazinie pračnulisia pčoły. Dziaŭčynka, jakaja ich pabačyła, skaryła tyktok
-
«Biełarusy i ŭ Dubai biełarusy». Jak suajčyńniki arhanizavali dapamohu tym, chto nie moža viarnucca damoŭ praz zakrytaje nieba
-
«Pad kaniec adpačynku daviedalisia, što tut niama schoviščaŭ». Biełarusy, što znachodziacca ŭ AAE, raskazali, jak im tam ciapier
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary