Staršynia Savieta Respubliki siońnia prainśpiektavała budaŭnictva haścinična-dziełavoha kompleksu na skryžavańni praśpiekta Niezaležnaści i vulicy Kiryły Turaŭskaha. Jaje tam sustreŭ staršynia Minharvykankama Uładzimir Kucharaŭ.
Kačanava aznajomiłasia z chodam rabot, joj pakazali typavuju kvateru na šostym paviersie. Vid z akna, darečy, joj spadabaŭsia.
Taksama Natalla Kačanava z pradstaŭnikom budaŭničaha ŭpraŭleńnia Anatolem Viadzierčykam vybirała dźviery, jakija buduć ustanoŭlenyja ŭ kvaterach.
Joj prapanavali niekalki varyjantaŭ z roznaj canoj.
«Nu i što, jakija vam lepš?» — spytała Kačanava.
«Kožnamu svajo», — saskočyŭ Viadzierčyk.
Staršynia Savieta Respubliki ŭ vyniku spyniła vybar na dźviarach №5 — samych prostych i tannych.
«385 rubloŭ. A ničoha sabie, — paradavałasia jana. — Akcent na suadnosinach cany i jakaści! I, viadoma, vytvorca naš, ajčynny».
Jana taksama prakamientavała žurnalistam stan spraŭ na abjekcie.
«Hety abjekt byŭ dosyć prablemny, kali inviestar pačaŭ jaho budaŭnictva, a potym prosta nie zmoh zaviaršyć. Doŭha my dumali, u vyniku było pryniata takoje rašeńnie, jakoje siońnia dapamoža nam skončyć hety abjekt. Pierš za ŭsio tut buduć raźmieščany handlovyja abjekty, dzie buduć pradavacca tavary našych vytvorcaŭ, a my viedajem, jakoj papularnaściu jany karystajucca».
«Tyja terminy, jakija vyznačanyja dla ŭvodu hetaha abjekta, a heta 1 studzienia 2024 hoda, ja ŭpeŭnienaja, što jany buduć vytrymanyja, tamu što inšaha nie dadziena», — reziumavała treciaja asoba ŭ krainie.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami66
Kamientary