U Śviata-Jelizaviecinskim manastyry praviali Z-kancert. Na scenie byli partrety «Mataroły», Zacharčanki, Pušylina
U Śviata-Jelisaviecinskim manastyry praviali pravajenny kancert. Scenu «ŭpryhožyli» partretami kiraŭnika «DNR» Dzianisa Pušylina, jaho papiarednika Alaksandra Zacharčanki, kamandzira supraćtankavaha śpiecpadraździaleńnia «Sparta» «DNR» Arsiena Paŭłava («Mataroły») i kamandzira bataljona «Samali» «DNR» Michaiła Tałstych («Hivi»). Na heta źviarnuła ŭvahu «Chryścijanskaja vizija».
«Prahrama kancerta była pravajennaj, u bolšaści piesień hučała tema «Za Rasiju da kanca», vałanciory ŭvieś čas sa sceny zaklikali «paskoryć pieramohu». Vajennuju pieśniu vykonvali i vychavancy škoły «Ichvis». Jarkaj prykmietaj prarasijskaha militaryzmu pasłužyła i sceničnaje afarmleńnie. U partretach asob Danbasa adhadvalisia viadomyja vajennyja złačyncy», — piša resurs.
Siarod partretaŭ možna paznać kiraŭnika tak zvanaha «DNR» Dzianisa Pušylina, jaho papiarednika Alaksandra Zacharčanku, kamandzira supraćtankavaha śpiecpadraździaleńnia «Sparta» «DNR» Arsiena Paŭłava («Matarołu») i kamandzira bataljona «Samali» «DNR» Michaiła Tałstych («Hivi»).
Kancert u padtrymku rasijskich vajskoŭcaŭ pad nazvaj «Svaich nie kidajem» prajšoŭ 4 červienia.
U pieršaj afišy, na jakoj manastyr paviedamlaŭ pra zbor srodkaŭ na hetym dabračynnym kancercie dla rasijskich vajskoŭcaŭ, vykarystoŭvałasia i litara Z. Paśla ahałoski manastyrski centr «Kaŭčeh» pieraviarstaŭ afišy — Z prapała, ciapier tam źbirali na «zakupku miedabstalavańnia i lekavych srodkaŭ dla špitalaŭ Danbasa».
Śviata-Jelizaviecinski manastyr nie pieršy raz arhanizuje mierapryjemstvy ŭ padtrymku rasijskaj ahresii.
«Mnie było baluča ad hetaha». Protaijerej Lemiašonak pryznaŭ, što ŭ 2020 hodzie pramaŭlaŭ niapravilnyja propaviedzi
Protaijerej Lemiašonak pachvaliŭ Łukašenku za padtrymku Rasii ŭ vajnie i nie tolki
Kolki minski manastyr vydzialaje mirnym žycharam Danbasa, a kolki — rasijskim akupantam na techniku FOTA
«Svaich nie kidajem». Minski Śviata-Jelisaviecinski manastyr aktyŭna spryjaje rasijskaj ahresii va Ukrainie
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary