Zaprošany artyst Ihar Aniščanka vykanaŭ viadučuju partyju ŭ opiery «Sievilski cyrulnik», jakuju pastaviŭ italjanski režysior.
Va Ukrainie adesit Ihar Aniščanka skončyŭ Adeskuju jurydyčnuju akademiju, a paralelna vučyŭsia ŭ kansiervatoryi.
U 2016-m Ihar atrymaŭ zaprašeńnie ad dyrektara Vienskaj opiery. 22-hadovy chłopiec źjechaŭ u Aŭstryju, dzie słužyŭ salistam. Na toj momant jon byŭ samym maładym salistam u Vienskaj opiery.
Ihar Aniščanka hastralavaŭ u Italii i Japonii z dyryžoram Rykarda Muci. Vykonvaŭ hałoŭnuju rolu ŭ «Viasielli Fihara» Mocarta na scenie Municypalnaha teatra Sanćjaha de Čyli, u 2017 hodzie ŭdzielničaŭ u pastanoŭcy opiery «Łedzi Makbiet Mcenskaha pavieta» Šastakoviča na Zalcburhskim fiestyvali.
U 2020-m praśpiavaŭ Fihara ŭ «Sievilskim cyrulniku» Rasini na scenie Opiery Tel-Aviva.
U sakaviku 2022 hoda vykanaŭ hałoŭnuju partyju ŭ suśvietnaj premjery opiery «My» pavodle apovieści Jaŭhiena Zamiacina kampazitara Antona Łubčanki ŭ teatry Rehiensburha, Hiermanija.
U lutym 2023-ha śpiavak pryjazdžaŭ vystupać u Varoniežski teatr opiery i baleta, udzielničaŭ u opiery «Iałanta».
Pra vystupleńnie ŭ minskim Vialikim teatry opiery i baleta adesit napisaŭ u fejsbuku. U pastanoŭcy «Sievilski cyrulnik» Aniščanka vykanaŭ hałoŭnuju partyju.
Pastaviŭ opieru režysior ź Italii Alda Tarabieła i mastak Enryka Musienič, jakija taksama, niahledziačy na palityčnyja represii i vajnu, pryniali zaprašeńnie biełaruskaha opiernaha teatra.
«Naša Niva» niekalki dzion tamu źviarnułasia da Aniščanki pa kamientar nakont jaho vystupu na minskaj scenie, ale adkaz na momant publikacyi nie atrymała.
Ź leta 2020 hoda bolš za 1000 dziejačaŭ biełaruskaj kultury sutyknulisia z represijami, minimum 90 čałaviek u hety momant znachodziacca za kratami.
Takuju statystyku pryvodzić Biełaruskaja rada kultury.
Sa žniŭnia 2020 hoda ź Vialikaha teatra byli zvolnienyja «za palityku» znakavyja artysty i muzyki: salist opiery Ilja Silčukoŭ, hałoŭny kancertmajstar Rehina Sarkisava, hałoŭny dyryžor Viačasłaŭ Volič, dyryžor Andrej Hałanaŭ, skrypačka Ała Džyhan, altystka Alaksandra Paciemina.
Čytajcie taksama:
Viera Palakova-Makiej raskazała, kolki ŭ TIUHu śpiektaklaŭ na biełaruskaj movie
Film «II» režysiorki Ułady Siańkovaj možna pahladzieć u anłajn-kinateatry biełaruskaha kino Vodblisk
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary