Franak Viačorka raskazaŭ, jak zvanok Vavana i Leksusa vyhladaŭ ź jahonaha boku i jak adno słova vydała prankieraŭ
Pa słovach daradcy Cichanoŭskaj, chłuśnia vykryłasia adrazu, kali padstaŭny «Parašenka» pačaŭ havaryć. Ale čamu tady jany praciahnuli razmovu?
Na intervju da kiraŭnika ANT Marata Markava pryjšli prankiery Vavan i Leksus, jakich źviazvajuć z rasijskimi śpiecsłužbami. Jany pakazali videa rozyhryšu Śviatłany Cichanoŭskaj. Praŭda, u pranku, jaki prapahanda vystaŭlaje jak siensacyjnyja pryznańni, prahučali tolki tezisy, jakija Cichanoŭskaja i tak ahučvaje publična.
Ale jak uvohule adbyłasia razmova z hetym «Parašenkam»?
Franak Viačorka tłumačyć, što im pryjšoŭ zapyt na razmovu z Parašenkam. Z toj pryčyny, što heta była nie tet-a-tet razmova, a sazvon, to dadatkovaj vieryfikacyi nie pravodzili.
«Dla Śviatłany Cichanoŭskaj sazvony ź lidarami krain — heta zvyčajnaja sprava. Da nas pryjšoŭ zapyt ab razmovie — nu, davajcie pahavorym. Heta zvyčajnaja pracedura. My ŭ pryncypie kožny tydzień pa piatnicach robim videarazmovy z usimi achvotnymi.
Časam varjaty prychodziać na takija sazvony. U cełym, kali tabie niama čaho chavać, to nijakija prankiery nie strašnyja. Śviatłana spačatku havaryła maksimalna karektna i danosiła pazicyju, jakuju my danosim paŭsiul», — raskazaŭ Viačorka.
Ale, maŭlaŭ, chutka biełaruskija palityki zrazumieli, što ich padmanvajuć — heta stała jasna, kali słova ŭziaŭ «Parašenka».
«Heta było videa. Na im byŭ tvar nibyta Parašenki, ale z takoj zatrymkaj, što składana było adroźnić. «Parašenka» patłumačyŭ heta kiepskaj suviaźziu — mnie zdajecca, tam byli zhienieravanyja videa, dzie «Parašenka» maŭčyć i dzie havoryć.
Faktyčna, što heta padman, stała jasna adrazu, kali zahavaryŭ «Parašenka». Jon havaryŭ z ruskim akcentam — u słovie Słaviansk nacisk pastaviŭ na «a»!
Nu i hołas byŭ niepadobny, my zrazumieli, što adbyvajecca, ale nie kłali trubku. Vyrašyli vyjści pryhoža, i ja paprasiŭ «Parašenku» razmaŭlać pa-ŭkrainsku. Jon papłyŭ, nu i ŭsio», — dadaŭ Viačorka.
Razmova adbyłasia paŭtara tydni tamu.
Ciapier čytajuć
Natalla Piatkievič stała vice-premjeram, a Karanik uznačaliŭ Akademiju navuk16
Natalla Piatkievič stała vice-premjeram, a Karanik uznačaliŭ Akademiju navuk
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ55
Kamientary