Niadaŭna zapuščany druhi enierhabłok Biełaruskaj AES u Astraŭcy całkam abiastočyli. Pra heta paviedamili pradstaŭniki stancyi.
«U ramkach prahramy enierhietyčnaha pusku na druhim enierhabłoku BiełAES praciahvajecca kompleksnaja pravierka techničnych charaktarystyk abstalavańnia i sistem. 26 maja śpiecyjalisty prystupili da dynamičnych vyprabavańniaŭ u režymie poŭnaha abiastočvańnia błoka ź jaho adklučeńniem ad enierhasistemy», — havorycca ŭ paviedamleńni.
Udakładniajecca, što pierad pierachodam na nastupny etap — dośledna-pramysłovaj ekspłuatacyi błoka — «śpiecyjalisty pavinny pierakanacca, što ŭsie sistemy i abstalavańnie, uklučajučy sistemy biaśpieki, pracujuć nadziejna, u adpaviednaści z prajektnymi paramietrami».
«Takaja paśladoŭnaść prahramy vyprabavańniaŭ, u tym liku z adklučeńniem błoka ad sietki, — ahulnasuśvietnaja praktyka. Pierad uvodam atamnych stancyj u pramysłovuju ekspłuatacyju pravodzicca šyrokaje koła roznych daśledavańniaŭ i testavańniaŭ», — padkreślivajuć pradstaŭniki stancyi.
13 maja ŭ 13:24 u ramkach etapnaj prahramy enierhietyčnaha pusku adbyłosia pieršaje ŭklučeńnie ŭ sietku druhoha enierhabłoka BiełAES — jon vydaŭ u abjadnanuju enierhasistemu krainy pieršyja kiłavat-hadziny elektraenierhii.
U minułym hodzie šmat času prastojvaŭ pieršy błok AES, zapuščany jašče ŭ 2020 hodzie.
Kamientary
niechta ŭrot