Francyja ŭ najbližejšyja tydni pieradaść Ukrainie dziasiatki broniemašyn i lohkich tankaŭ
U najbližejšyja tydni Francyja pieradaść ukrainskim bataljonam dziasiatki braniravanych mašyn i lohkich tankaŭ, u pryvatnaści, AMX-10RC.
«Vajennaja padtrymka, jakuju akazvaje Francyja z pačatku vajny, kab dać Ukrainie mahčymaść abaranić siabie, praciahniecca, rychtujucca novyja vajennyja pakiety z pastajannym ulikam najbolš nadzionnych i nieadkładnych patreb Ukrainy dla ŭmacavańnia jaje abaronazdolnaści.
U najbližejšyja tydni Francyja praviadzie padrychtoŭku i asnaścić niekalki bataljonaŭ dziasiatkami braniravanych mašyn i lohkich tankaŭ, u tym liku AMX-10RC», — havorycca ŭ sumiesnaj dekłaracyi Ukrainy i Francyi pa vynikach sustrečy Uładzimira Zialenskaha i Emanuela Makrona, jakuju apublikavała pres-słužba OPU.
Akramia taho, «Francyja zasiarodziła svaje namahańni na padtrymańni mahčymaściaŭ supraćpavietranaj abarony Ukrainy, kab abaranić jaje nasielnictva ad udaraŭ Rasii».
Taksama adznačajecca, što Francyja prymaje aktyŭny ŭdzieł u mierapryjemstvach ES i NATA pa padrychtoŭcy ŭkrainskich vajskoŭcaŭ.
Prezident Ukrainy Uładzimir Zialenski pozna ŭviečary 14 maja prybyŭ u Paryž, u Jelisiejskim pałacy jaho sustreŭ prezident Francyi Emanuel Makron.
Kamientary