Amierykanski instytut vyvučeńnia vajny (ISW) u čarhovy zvodcy-analizie paćviardžaje toje, pra što rasijskija i ŭkrainskija krynicy paviedamlajuć u apošnija try dni: atrady PVK «Vahnier» prasunulisia za čyhunku, jakaja pierasiakaje horad z poŭnačy na poŭdzień.
Pad kantrolem ukraincaŭ zastajecca zachodniaja častka horada praciahłaściu z uschodu na zachad kala dvuch kiłamietraŭ (ahulnaja praciahłaść Bachmuta z uschodu na zachad — kala siami kiłamietraŭ).
«Hieałakavanaja zdymka, apublikavanaja 24 krasavika, pakazvaje, što siły «Vahniera» niaznačna prasunulisia napierad na paŭdniovym zachadzie ad stancyi Bachmut-2 u zachodnim Bachmucie», — piša ISW.
Dalej aŭtary zvodki pierakazvajuć paviedamleńni rasijskich vajskovych błohieraŭ, jakija paviedamlali ab prasoŭvańni vahnieraŭcaŭ ad vakzała, bai za jaki išli niekalki dzion, dalej na zachad.
Ukrainskija čaści, paviedamlaje ISW, praviali kontrataku na paŭnočny zachad ad prylehłaha da Bachmuta pasiołka Chromava, kab adsunuć rasijan ad trasy Časavy Jar — Bachmut, pa jakoj idzie zabieśpiačeńnie harnizona Bachmuta.
Ukrainski vałancior 25 krasavika paviedamlaŭ, što paśla toj kontrataki rasijanie znoŭ padabralisia ŭščylnuju da trasy.
Nievialikaje prasoŭvańnie rasijan ISW adznačaje i paŭdnioviej, u rajonie Aŭdziejeŭki, a dakładniej, kala nasielenaha punkta Nievielskaje na paŭdniovy zachad ad Aŭdziejeŭki.
Kamandujučy Uschodniaj hrupoŭkaj vojsk USU patłumačyŭ, čamu jany praciahvajuć utrymlivać Bachmut
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary