Z-za pierabojaŭ u enierhazabieśpiačeńni spyniaŭsia «Hrodna Azot»
Prypynieńnie vytvorčaści adbyłosia ŭ niekatorych cechach AAT «Hrodna Azot», paviedamiła pradpryjemstva. Adbyłosia heta, jak śćviardžajecca, z-za avaryi na elektryčnych sietkach.
«U suviazi sa źniešniaj pasadkaj napružańnia adbyłosia prypynieńnie vytvorčaści kaprałaktamu, karbamidu, mietanołu i cecha azotnaj kisłaty dy karbamidna-amijačnaj sumiesi», — havorycca ŭ paviedamleńni.
Taksama adznačajecca, što piersanał zavoda prymaje miery pa stabilizacyi situacyi i adnaŭleńni funkcyjanavańnia cechaŭ.
Na zavodzie papiaredzili, što dla ŭtylizacyi haručych rečyvaŭ pavodle rehłamientu budzie praviedziena ich spalvańnie na fakielnaj ustanoŭcy. Heta moža praciahvacca niekalki sutak.
«Pry zapusku adździaleńniaŭ vytvorčaści azotnaj kisłaty karotkačasova moža być bačny «lisiny chvost» — haz charakternaha žoŭtaha koleru, jaki ŭjaŭlaje saboj złučeńnie kisłarodu i azotu», — skazali na pradpryjemstvie. Na zavodzie zapeŭnili, što hetaja źjava pahrozy horadu, ekałohii i miascovym žycharam nie niasie.
Raniej u RUP «Hrodnaenierha» prainfarmavali, što dniom u sieradu 19 krasavika adbyłosia karotkačasovaje parušeńnie elektrazabieśpiačeńnia niekatorych spažyŭcoŭ abłasnoha centra i rajona z-za avaryi na elektrasietkach. Dniom ad haradziencaŭ sapraŭdy prychodzili paviedamleńni, što ciaham pryblizna paŭhadziny adsutničała elektryčnaść.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu8
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary