Kolki adna i taja ž mašyna z prabieham kaštuje ŭ Biełarusi, Litvie, Polščy i Rasii

Niadaŭna adzin ź minskich aŭtacentraŭ skłaŭ rejtynh samych papularnych niedarahich mašyn z prabieham, jakija žychary našaj krainy čaściej za ŭsio kuplajuć u kredyt.

U trojcy lidaraŭ akazalisia aŭtamabili Volkswagen, Renault i Toyota. Vybrali najbolej papularnyja madeli hetych aŭto i paraŭnali ceńniki na ich.

«Holf» u Biełarusi ŭdvaja daražejšy, čym u Litvie

Adnym z samych zapatrabavanych patrymanych aŭtamabilaŭ u liniejcy Volkswagen u Biełarusi ekśpierty nazvali Golf. U našaj krainie hety aŭtamabil kaštuje niatanna: da prykładu, madel 2007 hoda vypusku z dyzielnym ruchavikom abjomam 1,9 litra pradajuć za 7 — 7,5 tys. dalaraŭ u ekvivalencie.

Pavialičyć

U susiedziaŭ hetaja mašyna kaštuje prykmietna tańniej. U Rasii, naprykład, ceny na takuju ​​ž madel (taho ž hoda i z takim ža ruchavikom) vahajucca ad 205 da 650 tys. rasijskich rubloŭ, što ekvivalentna 3,2 — 8,3 tys. dalaraŭ.

U Polščy toj ža «Holf» možna kupić jašče tańniej — za 6 — 25 tys. złotych (prykładna 1,4 — 5,8 tys. dalaraŭ). Samyja ž demakratyčnyja ceńniki — u Litvie, dzie hetuju mašynu pradajuć za 1,4 — 3,5 tys. jeŭra (1,5 — 3,8 tys. dalaraŭ).

«Parkietniki» ŭ Jeŭropie nie takija papularnyja

Jašče adna papularnaja ŭ biełarusaŭ marka — Renault. Asabliva našy suajčyńniki palubili tak zvanyja «parkietniki» nakštałt Sandero abo Duster.

U Biełarusi Renault Duster, naprykład, 2015 hoda vypusku ź bienzinavym ruchavikom 1,6 litra pradajuć za 11,5 — 15,7 tys. dalaraŭ u ekvivalencie.

Pavialičyć

U Jeŭropie hetyja aŭtamabili pradajucca pad markaj Dacia. Adnak, miarkujučy pa abjavach na papularnych sajtach pa prodažy aŭto, mašyny hetaj madeli i marki za miažoj nie nastolki chadavyja, jak u Biełarusi. U Litvie, naprykład, kali i jość prapanovy ab prodažy Dacia Duster, to adzinkavyja. I albo hod nie toj, albo abjom ruchavika. I, jak my nie šukali, dakładna takoj madeli nie znajšli.

U Polščy abjaŭ ab prodažy hetaj mašyny taksama niašmat, a prosiać za aŭto ad 34,9 da 43,9 tys. złotych (8,2 — 10,3 tys. dalaraŭ u ekvivalencie).

A voś u Rasii Renault Duster na rynku patrymanych aŭto pradstaŭleny davoli šyroka. Jaho košt vahajecca ad 670 tys. da 1,2 młn rasijskich rubloŭ (8,4 — 15,1 tys. dalaraŭ).

Pavialičyć

Ceny na japonca nie mocna adroźnivajucca

Zamykaje trojku lidaraŭ pa papularnaści Toyota. U Biełarusi aŭtamabil madeli, naprykład, Camry 2019 hoda ź bienzinavym ruchavikom abjomam 2,5 litra kaštuje ad 27,9 da 42,5 tys. dalaraŭ u ekvivalencie.

U Polščy takaja ž mašyna pradajecca za 96,5 — 149,9 tys. złotych (22,5 — 34,9 tys. dalaraŭ), u Rasii — za 880 tys. — 3,6 młn rasijskich rubloŭ (10,9 — 44,6 tys. dalaraŭ). A voś u Litvie mašyny hetaj madeli kali i pradajuć, to hadoŭ na piać-dziesiać starejšyja i, adpaviedna, značna tańniejšyja.

Kolki treba zarabić u roznych krainach, kab kupić aŭto

Paraŭnańnie cen pakazała, što ŭ košcie patrymanych aŭto Biełaruś prajhraje krainam-susiedkam. Heta nie strašna, kali ceny adpaviadajuć uzroŭniu zarobkaŭ u krainie. Ale, jak akazałasia, i ŭ hetym nam składana kankuravać z susiedziami.

Siaredniaja zarabotnaja płata ŭ Biełarusi składaje 1687,8 rubla (apošnija aficyjnyja danyja za luty). Kab nabyć samy tanny Volkswagen Golf z tych, što razhladali, siaredniestatystyčnamu biełarusu treba 12 takich zarobkaŭ (heta tearetyčnyja raźliki, usie danyja pa zarobkach — da vypłaty padatkaŭ). Heta značyć, kab naźbirać na mašynu, čałavieku ŭ našaj krainie patrebny hod (viadoma, pry ŭmovie, što jon atrymlivaje siaredni zarobak pa krainie i budzie całkam jaho adkładvać).

U Rasii siaredni zarobak składaje 56,2 tysiačy rubloŭ. Kab kupić samy tanny ŭ Rasii «Holf», siaredniestatystyčnamu rasijaninu treba adkłaści prykładna čatyry takija zarobki. 

U Polščy siaredni zarobak składaje 6733 złotych, u Litvie — kala 1927 jeŭra. Vychodzić, palaku i litoŭcu, kab kupić samy tanny ŭ svajoj krainie «Holf», patrebny ŭsiaho adzin siaredni zarobak pa krainie.

• 31
• 0
• 17
• 26
• 19
• 52
• 36
• 0