«Nie maje nijakaha značeńnia dla nas». Ułady Rasii adreahavali na ordar na aryšt Pucina
U Mižnarodnym kryminalnym sudzie vydali ordar na aryšt Uładzimira Pucina. Va Ukrainie i ŭ Rasii adreahavali na heta rašeńnie Mižnarodnaha kryminalnaha suda.
Pres-sakratarka Ministerstva zamiežnych spraŭ Rasii Maryja Zacharava zajaviła, što ordar na aryšt Uładzimira Pucina «nie maje nijakaha značeńnia» dla RF.
«Rasija nie źjaŭlajecca ŭdzielnikam Rymskaha statuta Mižnarodnaha kryminalnaha suda i abaviazańniaŭ pa im nie niasie. Z hetym orhanam Rasija nie supracoŭničaje, a mahčymyja «recepty» na aryšt, jakija zychodziać ź Mižnarodnaha suda, buduć dla nas jurydyčna nikčemnymi», — zajaviła Zacharava.
Pres-sakratar Pucina Dźmitryj Piaskoŭ taksama vykazaŭsia.
«Sama pastanoŭka pytańnia nieprymalnaja, my nie pryznajom jurysdykcyju hetaha suda, lubyja rašeńni jaho nikčemnyja z punktu hledžańnia prava», — cytuje Piaskova ahienctva «RIA Naviny».
Hienprakuror Ukrainy Andrej Kościn nazvaŭ rašeńnie Mižnarodnaha kryminalnaha suda «histaryčnym dla Ukrainy».
«Ad siońnia rasijski prezident maje aficyjny status padazravanaha va ŭčynieńni mižnarodnaha złačynstva <…>. Heta značyć, što za miežami Rasii Pucina treba aryštavać i pryciahnuć da suda. I suśvietnyja lidary try razy padumajuć, pierš čym pacisnuć jamu ruku ci sieści ź im za stoł pieramoŭ. Śviet atrymaŭ sihnał, što rasijski režym złačynny i jaho kiraŭnictva i sajuźniki buduć pryciahnutyja da adkaznaści. Heta histaryčnaje rašeńnie dla Ukrainy i ŭsioj sistemy mižnarodnaha prava», — zajaviŭ Kościn.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli65
Alaksandr Łukašenka tak lasnuŭsia na lod na chakiei, što trybuny zamierli
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary
Bo Pucin staŭ 4-m u takim śpisie, na kaho vydavadi ordar na aryšt. Raniej ordary vydavali na prezidenta Sudanu Amara al-Bašyra, lidara Livii Muamara Kadafi i prezidenta Kot-dJIvuaru Łarana Hbahbo.